یورپی یونین کا پناہ گزینوں کے مسئلے سے نمٹنے کے لیے ترکی کے ساتھ تین ارب ڈالر سے زائد کے ایک سمجھوتے پر اتفاق
عمر جمشید پیر 30 نومبر 2015 14:42
برسلز(اُردو پوائنٹ تازہ ترین ۔۔ آئی پی اے ۔۔30 نومبر۔2015ء) یورپی یونین نے پناہ گزینوں کے مسئلے سے نمٹنے کے لیے ترکی کے ساتھ تین ارب ڈالر سے زائد کے ایک سمجھوتے پر اتفاق کیا ہے۔ دنیا کے دیگر خطوں میں جنگ اور تنازعات کے باعث لاکھوں لوگ اپنے گھر بار چھوڑ کر ترکی کے راستے یورپ کا رخ کر رہے ہیں جس سے دونوں کو اس بحران کا سامنا ہے۔بیلجیئم کے دارالحکومت برسلز میں ہونے والی سربراہی کانفرنس میں شریک ترکی اور یورپ کے عہدیداروں نے تین ارب 20 کروڑ ڈالر کے امدادی پیکج پر بات کی جس کا مقصد ترکی میں مقیم لاکھوں پناہ گزینوں کے مسائل سے نمٹنے کے لیے ترکی کو امداد فراہم کرنا ہے۔
اس سال یورپ پہنچنے والے شامی پناہ گزینوں کی سب سے بڑی تعداد نے یونان اور بلغاریہ آنے کے لیے ترکی کا راستہ اختیار کیا۔(جاری ہے)
یورپی کونسل کے صدر ڈونلڈ ٹسک نے ترکی کے وزیر اعظم احمد داوٴد اوغلو اور یورپی کمیشن کے صدر جین کلاڈ جنکر کے ہمراہ ایک نیوز کانفرنس میں کہا کہ اس سمجھوتے میں ہماری مشترکہ سرحدوں پر معمول (کے نظام) کو بر وقت بحال کرنے کے لیے ایک واضح لائحہ عمل طے کیا گیا ہے۔ٹسک نے مزید کہا کہ ترکی کے یورپی یونین میں شمولیت کے معاملے پر بات چیت کو "دوبارہ تیز" کیا جائے گا۔ 1997ء میں ترکی کو 28 ممالک پر مشتمل یورپی یونین میں شامل ہونے کا اہل قرار دیا گیا تھا اور اس سلسلے میں باضابطہ عمل کا آغاز 2005ء میں ہوا۔
مزید بین الاقوامی خبریں
-
سعودی عرب میں زبردست بارشوں کی پیشن گوئی
-
اذان میں تبدیلی سے متعلق شارجہ انتظامیہ نے وضاحت کر دی
-
بھارت، کرپشن میں ملوث سیاسی رہنما کی تصویر نے تہلکہ مچا دیا
-
اروند کیجریوال کی گرفتاری پر تشویش کااظہار، بھارت کا امریکی و جرمن سفارت کاروں کو طلب کرکے اعتراض
-
اوباما بائیڈن کے ٹرمپ کے ہاتھوں ہارنے سے بہت خوفزدہ
-
افغانستان، خواتین کو کھلے میدان میں سنگسار کرنے کا اعلان
-
میرے پاس الیکشن لڑنے کیلئے پیسے نہیں ہیں، بھارتی وزیر خزانہ
-
روس نیٹوممالک یا یورپ پر حملہ نہیں کرے گا، پیوٹن نے واضح کردیا
-
اسرائیل نے سفید پرچم اٹھانے والے 2 فلسطینیوں کو بھی قتل کر دیا
-
سعودی عرب کی 800 ہیکٹر فلسطینی اراضی پراسرائیلی قبضے کی مذمت
-
عرب اونٹ فیڈریشن کا العلا میں اپنی پہلی چیمپئن شپ کا اعلان
-
مسجد حرام میں زائرین کے لیے روبوٹ گائیڈ سسٹم فعال
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.