وزیراعلیٰ شہباز شریف کائٹ فلائنگ فیسٹیول کو بھی سیاحتی سرگرمیوں کا حصہ بنائیں ‘ خواجہ ندیم سعید وائیں
پیر 30 نومبر 2015 17:06
لاہور ( اُردو پوائنٹ اخبارتازہ ترین - این این آئی۔30 نومبر۔2015ء) آل پاکستان پیپر مرچنٹس ایسوسی ایشن کے نائب صدر خواجہ ندیم سعید وائیں نے صوبے میں سیاحت کی صنعت کے فروغ کے لیے وزیراعلیٰ پنجاب شہباز شریف کی کاوشوں کو خراجِ تحسین پیش کرتے ہوئے اْن پر زور دیا ہے کہ وہ کائٹ فلائنگ فیسٹیول کو بھی سیاحتی سرگرمیوں کا حصہ بنائیں جس سے ایک طرف تو اربوں روپے کا قیمتی زرمبادلہ صوبے میں آئے گا اور دوسری طرح ملک کی ساکھ بھی بہت بہتر ہوگی۔
خواجہ ندیم سعید وائیں نے ان خیالات کا اظہار ایک اجلاس سے خطاب کرتے ہوئے کیا جس میں خرم بٹ،نوید بٹ، حیدر بٹ، ذیشان بٹ، پرویز بٹ بیٹری والے، استاد ندیم، مولوی رفیق اور کائٹ انڈسٹری سے تعلق رکھنے والے افراد کی کثیر تعداد نے شرکت کی۔(جاری ہے)
خواجہ ندیم سعید وائیں نے کہا کہ کائٹ فلائنگ فیسٹیول ایک میگا منصوبہ ثابت ہوگا لہذا ایم این اے حمزہ شہباز کی سربراہی میں فوراً ایک کمیٹی تشکیل دی جائے جو اس سلسلے میں کام کا آغاز کرے۔
انہوں نے کہا کہ اس وقت دنیا بھر میں پاکستان کی ساکھ کے متعلق انتہائی منفی اثرات پائے جارہے ہیں جس کی وجہ سے غیرملکی سیاحوں نے پاکستان کا رُخ کرنا چھوڑ دیا ہے جس کی وجہ سے سیاحت کی صنعت تباہ و برباد ہوگئی ہے اور غیرملکی سرمایہ کاری میں بھی نمایاں کمی واقع ہوئی ہے۔ انہوں نے کہا کہ وفاقی حکومت کے برعکس وزیراعلیٰ پنجاب میاں محمد شہباز شریف صوبے کی حالت سدھارنے، صنعت و تجارت اور غیرملکی سرمایہ کاری کو فروغ دینے کے لیے بہترین اقدامات اٹھارہے ہیں لیکن یہ ضروری ہے کہ عالمی برادری کو اُن کی کاوشوں سے بھرپور آگاہی حاصل ہو اور کائٹ سٹی/ کائٹ فلائنگ زون اس سلسلے میں اہم کردار ادا کرسکتا ہے کیونکہ یہ دنیا بھر کے سیاحوں کے لیے بہت کشش کا باعث ہوگا۔ خواجہ ندیم سعید وائیں نے کہا کہ چند سال قبل صوبہ پنجاب میں کائٹ فلائنگ فیسٹیول ہوتا تھا جسے دیکھنے کے لیے دنیا بھر سے لاکھوں سیاح صوبہ پنجاب میں آتے تھے جبکہ اس فیسٹیول کے صرف دو دنوں میں پانچ سے سات ارب روپے کی تجارتی و معاشی سرگرمیاں عمل میں آتی تھیں ۔ انہوں نے کہا کہ کائٹ فلائنگ فیسٹیول میں شرکت کرنے والے غیرملکی سیاح دنیا بھر کو پاکستان بالخصوص صوبہ پنجاب کا انتہائی خوبصورت چہرہ دکھاتے تھے۔ انہوں نے کہا کہ چند مفاد پرست عناصرکی وجہ سے کائٹ فلائنگ کا بے ضرر کھیل قاتل بن گیا اور انتہائی قیمتی جانیں ضائع ہوئیں ۔ انہوں نے کہا کہ اگر ان مفاد پرست گھناؤنے عناصر کا محاسبہ کیا جاتا تو قیمتی انسانی جانوں کا ضیاع باآسانی روکا جاسکتا تھا لیکن کائٹ فلائنگ فیسٹیول پر پابندی لگا دی گئی جس سے غیرملکی سیاحوں کا آنا بند ہوگیا، پاکستان دشمن عناصر کو ملک کے خلاف جھوٹا اور بے بنیاد زہریلا پراپیگنڈا کرنے کا موقع ملا جس کی وجہ سے ہماری ساکھ خراب ہوگئی۔ انہوں نے کہا کہ وزیراعلیٰ پنجاب میاں محمد شہباز شریف شہر سے باہر کائٹ فلائنگ زون قائم کردیں اور اس کا انتظام پنجاب حکومت اور نجی شعبے کے نمائندوں کو سونپ دیں تو کائٹ فلائنگ کی وجہ سے انسانی جان کے ضیاع کا کوئی واقعہ پیش نہیں آئے گا اور ایک مرتبہ پھر کائٹ فلائنگ فیسٹیول دیکھنے کے لیے ہر سال لاکھوں سیاح پنجاب میں آئیں گے جس سے صوبہ پنجاب کا نام دنیا بھر میں روشن ہوگا۔متعلقہ عنوان :
مزید تجارتی خبریں
-
انٹربینک میں روپے کے مقابے ڈالر کی قدر278.45روپے پر بدستور برقرار رہی جبکہ اوپن مارکیٹ میں ڈالر 5پیسے مہنگا
-
ملکی صرافہ مارکیٹوں میں سونے کی قیمت تاریخ کی بلند ترین سطح پر پہنچ چکی ہے
-
پاکستان سٹاک ایکسچینج میں تیزی کا نیاریکارڈقائم، انڈکس 692.49 پوائنٹس(0.97) اضافہ کے بعد72051.89پوائنٹس پربند
-
پاکستان سٹاک ایکسچینج میں تیزی،100 انڈیکس 703 پوائنٹ اضافے کے ساتھ 72 ہزار63پوائنٹس کی بلند ترین سطح پر پہنچ گیا
-
تجارت سے متعلق ڈیٹا کی نگرانی اور تجزیہ کی درستگی کو بڑھانے کے لیے ڈیجیٹل ٹولز کا استعمال ضروری ہے، جام کمال خان
-
زیرگردش کرنسی کے حجم میں ہفتہ واربنیاد پر2.1 فیصداضافہ ہوا،سٹیٹ بینک
-
ملک میں سیمنٹ کی ریٹیل قیمتوں میں گزشتہ ہفتہ کے دوران کمی
-
برائلرگوشت کی قیمت میں مزید 25 روپے کلو کمی
-
چینی کی مصنوعی قلت،فی بوری قیمت میں 100روپے کااضافہ کر دیا گیا
-
ملک میں منگل کو سونے کی فی تولہ قیمت میں 7800 روپے کی کمی ہوئی
-
ایف ڈی آئی میں مارچ کے دوران سالانہ بنیاد پر 52 فیصد اضافہ ہوا ،سٹیٹ بینک
-
پاکستان سٹاک ایکسچینج میں تیزی،71 ہزار751پوائنٹ کی نفسیاتی حد عبور کرگیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.