پاکستان اور افغانستان کا دوطرفہ تعلقات کو مزید مضبوط کرنے اور دہشتگردی کیخلاف مشترکہ کوششیں کرنے پر اتفاق
وزیراعظم نوازشریف کی اشرف غنی کو افغان عوام پر مشتمل مفاہمتی عمل میں تعاون کی بھی پیشکش
پیر 30 نومبر 2015 20:47
پیرس (اُردو پوائنٹ اخبارتازہ ترین - آئی این پی۔30 نومبر۔2015ء) وزیراعظم نواز شریف اور افغان صدر ڈاکٹر اشرف غنی کے درمیان پیر س میں عالمی ماحولیاتی کانفرنس کے موقع پر ملاقات ہوئی جس میں دوطرفہ تعلقات،خطے کی صورتحال،دہشتگردی کے خلاف جنگ ،افغانستان کی صورتحال سمیت دیگر اہم امور پر تبادلہ خیال کیا گیا ۔تفصیلات کے مطابق پیر کو پیرس میں عالمی ماحولیاتی کانفرنس کے موقع پر وزیراعظم نوازشریف اور افغان صدر ڈاکٹر اشرف غنی کے درمیان ملاقات ہوئی ۔
دونوں رہنماؤں نے پاک افغان تعلقات ،دہشتگردی کے خلاف جنگ،خطے کی صورتحال،افغان امن عمل سمیت دیگر اہم امور پر تبادلہ خیال کیا۔اس موقع پر نوازشریف نے کہاکہ افغانستان کے ساتھ دوستانہ اورتعاون پر مبنی تعلقات کے خواہاں ہیں ،افغانستان میں خودمختار ریاست اور برابری کی سطح پر تعلقات کیلئے پرعزم ہیں۔(جاری ہے)
انھوں نے کہاکہ افغانستان میں اتحادی حکومت کو ہی قانونی اور جمہوری طور پر طور پر منتخب شراکت دار سمجھتے ہیں،پاکستان ہمسایوں کے ساتھ طویل المدت شراکت داری کے قیام کیلئے پرعزم ہے ۔
وزیراعظم نوازشریف نے کہاکہ افغانستان میں امن واستحکام ہمار اہم اور اولین ہدف ہے ،پاکستان مستحکم افغانستان کا خواہاں ہے جو پورے خطے کے مفاد میں ہے ۔انھوں نے کہاکہ پاکستان اور افغانستان کو دہشتگردی کے مشترکہ خطرے کا سامنا ہے ۔پاکستان دہشتگردی کے ناسور کے خاتمے کیلئے کوشاں ہے ۔وزیراعظم نے افغان عوام پر مشتمل مفاہمتی عمل میں تعاون کی بھی پیشکش کی۔وزیراعظم نے افغان صدر کو دہشتگردی کے خلاف آپریشن ضرب عضب کے بارے میں آگاہ کیا۔اس موقع پر افغان صدر نے پرامن دوستانہ اور تعاون پر مبنی تعلقات کے عزم کاایادہ کیا اور کہاکہ پاکستان کے ساتھ دوستانہ تعلقات چاہتے ہیں۔دونوں رہنماؤں کے درمیان اس بات پر اتفاق کیا گیا کہ اقتصادی اور تجارتی تعاون دوطرفہ تعلقات میں اہمیت کا حامل ہے ۔سیاسی عمل پر یقین اور افغان حکومت کے ساتھ کام کرنے والوں سے بات ہوگی ۔ذرائع کے مطابق دونوں رہنماؤں نے دوطرفہ تعلقات کو مزید مضبوط کرنے اور دہشتگردی کیخلاف مشترکہ کوششیں کرنے پر اتفاق کیا۔وزیراعظم نوازشریف کا کہنا تھاکہ پاکستان افغانستان میں امن واستحکام کا خواہاں ہے اورسلسلے میں اپنی کوششیں جاری رکھے گا۔ اس سے قبل ماحولیاتی کانفرنس کے دوران وزیر اعظم نواز شریف سے شیڈول سے ہٹ کر بھارتی ہم منصب نریندر مودی نے بھی ملاقات کی ہے جو انتہائی خوشگوار ماحول میں ہوئی ہے،دونوں رہنماؤں نے دوطرفہ تعلقات سمیت دیگر اہم امور پر تبادلہ خیال کیا۔متعلقہ عنوان :
مزید بین الاقوامی خبریں
-
افغانستان میں طالبان ریاست کو تسلیم کرنے کا کوئی ارادہ نہیں، امریکا
-
غزہ میں اجتماعی قبروں کی دریافت پر اقوام متحدہ کا آزاد تحقیقات کا مطالبہ
-
کیڑوں مکوڑوں والی کافی پینے سے خاتون کی جان پر بن آئی
-
برطانیہ میں ایک فلیٹ اپنے انوکھے ڈیزائن کی وجہ سے وائرل
-
میٹا کی ایپ تھریڈز کے صارفین کی تعداد 15 کروڑ سے زائد ہوگئی
-
پرتشدد واقعے کی ویڈیو ہٹانے پرآسٹریلیا اورایکس میں شدید تنائو
-
بنگلہ دیش میں ہیٹ ویو نے تباہی مچا دی،سکولز اور مدارس بند
-
متحدہ عرب امارات، حکومت کا شدید بارش اور سیلاب سے متاثرہ گھروں کی مرمت کے لیے 544 ملین ڈالردینےکا اعلان
-
بنگلہ دیش ، شدید گرمی کے باعث ہزاروں سکول بند ، تین کروڑ تیس لاکھ بچوں کی تعلیم متاثر
-
نیتن یاہو اور ان کے ساتھیوں کو شرم آنی چاہیے، اسرائیلی قیدی کی ویڈیو جاری
-
یو اے ای میں ریکارڈ بارشیں، گھروں کی مرمت کیلئے ساڑھے 54 کروڑ ڈالر کا اعلان
-
ارجنٹائن کا انٹرپول سے ایرانی وزیر داخلہ کو گرفتار کرنے کا مطالبہ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.