ٹی ٹونٹی رینکنگ ، گرین شرٹس کی دوسری سے چھٹی پوزیشن پر تنزلی

منگل 1 دسمبر 2015 11:21

شارجہ (اردو پوائنٹ تازہ ترین اخبار یکم دسمبر- 2015ء) قومی ٹیم انگلینڈ سے ٹی ٹونٹی سیریز ہارنے کے بعد دوسری سے چھٹی پوزیشن پر آگئی ہے ۔ تفصیلات کے مطابق گرین شرٹس انگلینڈ سے 3 ٹی ٹونٹی میچوں کی سیریز شروع ہونے سے قبل دوسری پوزیشن پر براجمان تھی مگر ابتدائی دونوں میچوں میں شکست کے بعد پاکستان چوتھی پوزیشن پر آگیا جب کہ انگلینڈ کے ہاتھوں کلین سویپ کے بعد آفریدی الیون دوسری سے چھٹی پوزیشن پر آگئی ہے ۔

(جاری ہے)

انگلینڈ نے پاکستان کو پہلے ٹی ٹونٹی میں 14 رنز اور دوسرے میچ میں 3 وکٹوں سے شکست دے جب کہ دونوں ٹیموں کے درمیان تیسرا میچ ٹائی ہوا اور میچ کا فیصلہ سپر اوور میں ہوا ، جس میں پاکستان نے انگلینڈ کو 4 رنز کا ہدف دیا جو انگلینڈ نے پانچویں گیند پر پورا کرلیا ۔ ٹی ٹونٹی رینکنگ میں سری لنکا پہلے ، ویسٹ انڈیز دوسرے ، آسٹریلیا تیسرے ، انگلینڈ چوتھے ، جنوبی افریقہ 5ویں ، پاکستان چھٹے ، بھارت 7ویں، نیوزی لینڈ 8ویں، افغانستان 9ویں اور بنگلہ دیش 10ویں نمبر پر موجود ہے ۔

Facebook Twitter Google + Share on Whatsapp

ٹی ٹونٹی رینکنگ ، گرین شرٹس کی دوسری سے چھٹی پوزیشن پر تنزلی

مزید کھیلوں کی خبریں