شعیب اختر کی شاہ رخ کے ساتھ ویڈیو نے دھوم مچا دی

منگل 1 دسمبر 2015 13:43

ممبئی (اُردو پوائنٹ اخبارتازہ ترین - این این آئی۔یکم دسمبر۔2015ء)سابق پاکستانی باوٴلر شعیب اختر نے اپنے ٹوئٹر پر ایک ویڈیو شئیر کی جس میں وہ بولی وڈ کنگ شاہ رخ خان کے ساتھ موجود ہیں۔شعیب اختر نے حال ہی میں اپنا ٹوئٹر اکاوٴنٹ بنایا ہے جس میں 5 ہزار سے زائد مداح ان کو اب تک فولو کر چکے ہیں۔اس ویڈیو میں شاہ رخ خان شعیب اختر کو بوسہ دیتے بھی دکھائی دیئے۔

(جاری ہے)

بولی وڈ لائف کی ایک خبر کے مطابق کچھ عرصہ قبل شعیب اختر کے شاہ رخ خان کے ساتھ تعلقات کافی خراب ہوگئے تھے جس کے بعد شعیب نے میڈیا پر شاہ رخ کے مخالف بیانات بھی دیے لیکن اس ویڈیو کو دیکھ کر اندازہ لگایا جاسکتا ہے کہ اب دونوں کے درمیان سب کچھ ٹھیک ہوچکا ہے۔یاد رہے کہ کرکٹ اور بولی وڈ کا رشتہ کافی پرانا ہے اور شعیب اختر کی بولی وڈ کے متعدد اداکاروں سے کافی اچھی دوستی ہے۔حال ہی میں شعیب اختر دبنگ اداکار سلمان خان کے والد کی سالگرہ کی تقریب میں ان کے گھر پر موجود تھے جس کی تصاویر سوشل میڈیا پر کافی گردش کرتی رہیں۔

Facebook Twitter Google + Share on Whatsapp

شعیب اختر کی شاہ رخ کے ساتھ ویڈیو نے دھوم مچا دی

مزید فن و فنکار کی خبریں