اسرائیلی رکن پارلیمان خواتین کو ہراساں کرنے پر مستعفی
مذہبی قوم پرست جیوش ہوم پارٹی کے رکن پارلیمان یینن میگال پر متعدد خواتین نے نامناسب الفاظ بولنے اور ہراساں کرنے کے الزامات عاید کیے ہیں
منگل 1 دسمبر 2015 14:44
مقبوضہ بیت المقدس(اُردو پوائنٹ اخبارتازہ ترین - آئی این پی۔یکم دسمبر۔2015ء )اسرائیل کی دائیں بازو کی قوم پرست جماعت سے تعلق رکھنے والے رکن پارلیمان خواتین کو ہراساں کرنے کے الزامات کے بعد مستعفی ہوگئے ۔غیر ملکی میڈیاکے مطابق مذہبی قوم پرست جیوش ہوم پارٹی کے رکن پارلیمان یینن میگال پر متعدد خواتین نے نامناسب الفاظ بولنے اور ہراساں کرنے کے الزامات عاید کیے ہیں لیکن ان صاحب نے اس اخلاق باختگی کا مظاہرہ رکن پارلیمان منتخب ہونے سے قبل ایک صحافی کی حیثیت سے کیا تھا۔
ان کی جماعت کے رہ نما اور وزیرتعلیم نفتالی بینیٹ نے کہا ہے کہ انھوں نے مسٹر میگال کا پارلیمان کی رکنیت سے استعفیٰ منظور کر لیا ہے۔انھوں نے اس کو ایک درست فیصلہ قرار دیا ہے اور کہا ہے کہ اب وہ اپنے خاندان پر توجہ مرکوز کرسکیں گے اور اس کو وقت دے سکیں گے۔(جاری ہے)
اسرائیلی نیوز ویب سائٹ ''والا'' میں میگال کی ایک سابقہ ساتھی نے گذشتہ ہفتے لکھا تھا کہ انھوں نے اخلاق باختہ تبصروں کی بھرمار کردی تھی اور مجھے یہ تک کہا تھا کہ میں ایک عریاں فلم میں لائبریرین کی طرح کا لباس پہنوں۔
بعد میں ایک اور عورت نے یہ دعویٰ کیا تھا کہ رکن پارلیمان نے انھیں پشت پر ٹہوکا دیا تھا حالانکہ انھیں اس سے منع کیا گیا تھا۔اس واقعے کے بعد اسرائیلی پولیس نے کہا تھا کہ وہ اس دعوے کا جائزہ لے گی۔میگال کے خلاف یہ دونوں نئے الزامات ان کے سوموار کے روز الکنیسہ کی رکنیت سے مستعفی ہونے کے بعد سامنے آئے ہیں۔اس سے پہلے دو اور عورتوں نے بھی ان پر اسی طرح کے خود کو ہراساں کرنے کے الزامات عاید کیے تھے۔جیوش ہوم پارٹی اسرائیلی وزیراعظم بنیامین نیتن یاہو کی مخلوط حکومت میں شامل ہے مگر مسٹر میگال کے استعفے سے حکومت پر کوئی اثر نہیں پڑے گا۔ان کی جگہ اب اس جماعت کی فہرست میں شامل اگلے امیدوار آوی ورٹزمین پارلیمان کے رکن بن جائیں گے۔وہ اس سے پہلے اسرائیل کے نائب وزیر تعلیم رہ چکے ہیں۔مزید بین الاقوامی خبریں
-
ٹرمپ پر2016 کے صدارتی الیکشن میں فراڈ کا الزام
-
مالدیپ انتخابات، چین کی حامی جماعت کی بھاری اکثریت سے جیت
-
مودی پر الیکشن مہم کے دوران مسلمانوں کو ٹارگٹ کرنے کا الزام
-
مسجد اقصی میں یہودیوں کی قربانی کی رسم کی ادائیگی
-
اروند کیجریوال کو جیل میں انسولین دے دی گئی
-
دنیا کے بہترین شوہر نے تحفے میں بیوی کو آدھی حکمرانی دیدی
-
سعودی عرب میں وطن دشمنی اورانتہا پسندی ثابت ہونے پر سعودی شہری کا سرقلم
-
سرکاری نوکری نہ ملنے پر بھارتی شہری گدھی کے دودھ سے لاکھوں کمانے لگا
-
غزہ میں انسانی حقوق کی خلاف ورزیوں کا جائزہ لے رہے ہیں، امریکا
-
میلان میں رات 12 بجے کے بعد آئس کریم پر پابندی کا فیصلہ
-
ایران سے تجارت کے خواہشمند پابندیوں سے خبردار رہیں، امریکا
-
سیاسی پناہ گزینوں کو جلد روانڈا منتقل کیا جائے گا، برطانوی وزیراعظم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.