رام اللہ، اسرائیلی فوج کی ریاستی دہشت گردی جاری، مزید دو فلسطینی بچے شہید کردیئے،شہداء انتفاضہ کی تعداد 108 ہوگئی
بدھ 2 دسمبر 2015 14:15
رام اللہ (اُردو پوائنٹ اخبارتازہ ترین - این این آئی۔02 دسمبر۔2015ء) فلسطین کے مقبوضہ مغربی کنارے میں اسرائیلی فوج کی ریاستی دہشت گردی کے نتیجے میں مزید دو فلسطینی شہری شہید ہوگئے جس کے بعد یکم اکتوبر کے بعد سے جاری تحریک کے دوران شہید ہونیوالے فلسطینیوں کی تعداد 108ہو گئی ہے۔ اطلاعات کے مطابق منگل کو قابض صہیونی فوجیوں نے طولکرم میں سابق فلسطینی اسیرہ کو غوش عتصیون یہودی کالونی کے قریب گولیاں مار کر شہید کردیا۔
اسرائیلی فوجیوں نے فلسطینی لڑکی کو شہید کرنے کے بعد خود کو بری الذمہ قرار دینے کیلئے اس پر چاقو سے حملے کی کوشش کا الزام تھوپ دیا۔ منگل کے روز قابض صہیونی فوجیوں نے ایک فوجی چوکی کے قریب 20 سالہ مرام رامز عبد حسونہ کو گولیاں مار کر شہید کیا گیا۔(جاری ہے)
شہیدہ کا آبائی تعلق غرب اردن کے شمالی شہرنابلس سے بتایا جاتا ہے۔ صہیونی فوجیوں نے اسے چوکی سے گذرتے ہوئے گولیوں سے نشانہ بنایا جس کے نتیجے میں وہ جام شہادت نوش کرگئی۔
گزشتہ روز قابض صہیونی فوجیوں نے غوش عتصیون یہودی کالونی کے قریب 16 سالہ مامون رائد محمد الخطیب کو بھی گولیاں مار کر شہید کیا۔ فلسطینی وزارت صحت کی جانب سے جاری بیان میں بتایا گیا ہے کہ یکم اکتوبر کے بعد سے اسرائیلی فوج کی ریاستی دہشت گردی کے نتیجے میں اب تک 108 فلسطینی جام شہادت نوش کرچکے ہیں۔ شہداء ا میں پانچ خواتین اور 24 بچے شامل ہیں جبکہ 13 ہزار 500 فلسطینی شہری زخمی ہوئے ہیں۔ بیان میں کہا گیاہے کہ 4800 فلسطینی شہری پچھلے 2 ماہ کے دوران صہیونی فوج کی فائرنگ، دھاتی گولیوں اور لاٹھی چارج سے زخمی ہوئے۔ 1560 فلسطینیوں کو براہ راست گولیاں ماری گئیں۔ 1020 فلسطینی دھاتی گولیوں سے زخمی ہوئے۔ ہلال احمر فلسطین کے مطابق 1770 زخمیوں کو فوری طبی امداد مہیا کی گئی جبکہ آنسوگیس کی شیلنگ سے 8700 فلسطینی زخمی ہوئے۔ غرب اردن میں 1055 فلسطینی براہ راست گولیاں لگنے، 2650 دھاتی گولیاں لگنے سے زخمی ہوئے جبکہ غزہ کی پٹی میں براہ راست فائرنگ سے 505 اور دھاتی گولیوں سے 140 فلسطینی زخمی ہوچکے ہیں۔ تشدد کے نتیجے میں 310 فلسطینیوں کو خطرناک چوٹیں آئی ہیں اور ان کی ہڈیاں ٹوٹ چکی ہیں۔ 32 فلسطینی شہریوں کو آگ میں جلا کر زخمی کیا گیا۔مزید بین الاقوامی خبریں
-
سڈنی، چاقوحملے میں جاں بحق پاکستانی گارڈ کی نمازجنازہ
-
گزشتہ سال دنیا کے 28 کروڑ افراد شدید غذائی قلت کا شکار رہے، اقوام متحدہ
-
مسجد نبوی ﷺمیں ایک ہفتہ کے دوران 60 لاکھ زائرین کی آمد
-
ملائیشیا کے سابق وزیر اعظم کو انسداد بدعنوانی کی تحقیقات کا سامنا
-
غزہ سے ملنے والی اجتماعی قبروں میں فلسطینیوں کو زندہ دفن کیے جانے کا دعوی
-
اسرائیلی بمباری میں ننھا بچہ زخمی، چہرے پر 200 ٹانکے لگے
-
پاکستان کیساتھ مضبوط رشتہ ہے، امریکا نے اختلافات کی خبروں کو مسترد کردیا
-
فلسطینیوں پرمظالم پر امریکی جامعات میں احتجاج شدت اختیارکرگیا
-
سعودی عرب، بس ڈرائیوروں کیلئے یونیفارم کی شرط لازمی کردی گئی
-
برطانیہ،دکانوں میں چوری کے واقعات 20 برس کی بلند ترین سطح پر
-
شدید تنقید کے بعد ملالہ یوسفزئی کا فلسطین کے حق میں بیان سامنے آگیا
-
افغانستان میں طالبان ریاست کو تسلیم کرنے کا کوئی ارادہ نہیں، امریکا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.