حکومت صنعت و تجارت سے متعلق فیصلے سٹیک ہولڈرز کی مشاورت سے کرے ،لاہور چیمبر آف کامرس اینڈ انڈسٹری
بدھ 2 دسمبر 2015 19:43
لاہور(اُردو پوائنٹ اخبارتازہ ترین - آن لائن۔02 دسمبر۔2015ء) لاہور چیمبر آف کامرس اینڈ انڈسٹری نے حکومت پر زور دیا ہے کہ صنعت و تجارت سے متعلق فیصلے سٹیک ہولڈرز کی مشاورت سے کرے ، اس سے نہ صرف معاشی چیلنجز سے نمٹنے میں مدد ملے گی بلکہ حکومت اور نجی شعبے کے درمیان اعتماد سازی کو فروغ حاصل ہوگا۔ تاجروں کے وفد سے گفتگو کرتے ہوئے لاہور چیمبر کے صدر شیخ محمد ارشد، سینئر نائب صدر الماس حیدر اور نائب صدر ناصر سعید نے کہا کہ معاشی چیلنجز کی نشاندہی اور ان کے حل کے لیے لاہور چیمبر پہلے ہی کام کا آغاز کرچکا ہے۔
انہوں نے کہا کہ تاجر ملکی معیشت کے لیے ریڑھ کی ہڈی ہیں اور محاصل کا 90فیصد سے زائد ان ہی سے حاصل ہوتا ہے لہذا حکومت انہیں بہتر کاروباری ماحول مہیا کرنے کے لیے ہر ممکن اقدامات اٹھائے۔(جاری ہے)
لاہور چیمبر کے عہدیداروں نے کہا کہ ٹیکس ٹو جی ڈی پی کی کم شرح اور زیادہ تر پبلک سیکٹر انٹرپرائززکی مایوس کن کارکردگی معاشی مسائل کی بڑی وجوہات ہیں لہذا ان پر خاص توجہ دینے کی ضرورت ہے۔
انہوں نے حکومت پر زور دیا کہ وہ انسٹی ٹیوشنل فریم ورک بھی بہتر بنائے جو تاجروں کو درپیش مسائل حل کرنے اور معاشی ترقی و خوشحالی کے لیے بہت ضروری ہے۔ انہوں نے کہا کہ حکومت صنعتوں کی پیداواری لاگت میں کمی لانے کے لیے بھی اقدامات اٹھائے کیونکہ زیادہ پیداواری لاگت کی وجہ سے پاکستانی مصنوعات مقابلے کی دوڑ سے باہر ہورہی ہیں۔ لاہور چیمبر کے عہدیداروں نے تاجروں پر زور دیا کہ وہ علاقائی ممالک سے تجارت بڑھانے پر توجہ دیں کیونکہ اس سے انہیں نسبتاً زیادہ فائدہ ہوگا۔ انہوں نے کہا کہ پاکستانی برآمدات مخصوص ممالک تک محدود ہیں جس کی وجہ سے برآمدات بڑھانے کا خواب پورا نہیں ہوسکا۔ انہوں نے کہا کہ برآمدات کے فروغ کے لیے غیر روایتی مارکیٹوں پر توجہ دینا اور تجارت کے قابل نئی مصنوعات متعارف کرانا ہونگی۔متعلقہ عنوان :
مزید تجارتی خبریں
-
بجلی کی قیمت میں 2روپے 94پیسے فی یونٹ مزید اضافے کا امکان
-
موبائل فونز کی مقامی تیاری کے بعد قیمتوں میں نمایاں کمی
-
ملک میں سیمنٹ کی ریٹیل قیمتوں میں معمولی کمی ریکارڈ
-
ایل این جی کی درآمدات میں جاری مالی سال کے پہلے نوماہ میں دو فیصد کا اضافہ
-
موبائل فونز کی درآمدات میں جاری مالی سال کے پہلے نو ماہ میں 121 فیصد کا نمایاں اضافہ
-
برائلر گوشت کی قیمت میں مزید14روپے کلو کمی
-
انٹربینک میں روپے کے مقابے ڈالر کی قدر278.45روپے پر بدستور برقرار رہی جبکہ اوپن مارکیٹ میں ڈالر 5پیسے مہنگا
-
ملکی صرافہ مارکیٹوں میں سونے کی قیمت تاریخ کی بلند ترین سطح پر پہنچ چکی ہے
-
پاکستان سٹاک ایکسچینج میں تیزی کا نیاریکارڈقائم، انڈکس 692.49 پوائنٹس(0.97) اضافہ کے بعد72051.89پوائنٹس پربند
-
پاکستان سٹاک ایکسچینج میں تیزی،100 انڈیکس 703 پوائنٹ اضافے کے ساتھ 72 ہزار63پوائنٹس کی بلند ترین سطح پر پہنچ گیا
-
تجارت سے متعلق ڈیٹا کی نگرانی اور تجزیہ کی درستگی کو بڑھانے کے لیے ڈیجیٹل ٹولز کا استعمال ضروری ہے، جام کمال خان
-
زیرگردش کرنسی کے حجم میں ہفتہ واربنیاد پر2.1 فیصداضافہ ہوا،سٹیٹ بینک
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.