وزارت ہاؤسنگ اینڈ ورکس کا کچی آبادیوں کے مسئلہ کو حل کرنے کیلئے ٹاسک فورس تشکیل دینے کا فیصلہ
بدھ 2 دسمبر 2015 21:39
اسلا م آ با د ( اُردو پوائنٹ اخبارتازہ ترین - آئی این پی۔02 دسمبر۔2015ء ) وزارت ہاؤسنگ اینڈ ورکس نے کچی آبادیوں کے مسئلہ کو حل کرنے اور ان میں رہائش پذیر افراد کی آبادکاری کے لیے ٹاسک فورس تشکیل دینے کا فیصلہ کیا ہے۔ یہ فیصلہ وزارت ہاؤسنگ میں وزارت کے سیکرٹری شاہ رُخ ارباب کی صدارت میں منعقدہ اجلاس کے دوران کیا گیا۔حالیہ اندازوں کے مطابق بڑے بڑے شہری علاقوں میں 50فیصدآبادی تنگ وتاریک گلی کوچوں اور کچی آبادیوں میں رہتی ہے اور یہ آبادیاں بے ہنگم طورپر آباد کی گئی ہیں۔
سپریم کورٹ آ ف پا کستان نے ہدایت کی تھی کہ صوبے اور سی ڈی اے کچی آبادیوں کے مسئلہ اور ان میں قیام پذیر باشندوں کی آبادی کاری کے بارے میں فیڈبیک اور کیے گئے کام کے بارے میں بتائیں اور آگاہ کریں کہ اس مسئلے کو کس طرح حل کیا جا سکتا ہے۔(جاری ہے)
سینیٹ نے بھی 10اگست کے اپنے اجلاس میں حکومت پر زور دیا تھا کہ حکومت کچی آبادیوں کو مکینوں سے خالی کروانے اور ان مکینوں کی دوبارہ آبادکاری کیلئے مناسب حکمت عملی بنائے۔
اس مذکورہ بالا مسئلہ پر پریذینٹیشن دیتے ہوئے نیشنل ہاؤسنگ اتھارٹی کے ڈائریکٹر جنرل عرفان نے کہا کہ کچی آبادیوں کو اس وقت تک مکینوں سے خالی نہیں کروایا جائے گا جب تک کہ دوبارہ آبادکاری کے منصوبہ کے تحت ان کی آبادکاری نہیں ہوجاتی اور آبادکاری کا یہ منصوبہ اس زمین کا ملکیتی ادارہ متاثرین کے ساتھ مشاورت سے تیار کرے گا۔متعلقہ صوبائی محکموں کے نمائندگان کو کم آمدن والے گروپوں اور کچی آبادیوں میں رہنے والوں کو شہری ڈھانچے میں رہتے ہوئے آباد کرنے کو یقینی بنانے کی ہدایت کی گئی ۔ اسی اجلاس کے دوران پاکستان کے 2007ء میں بنائے گئے عمارتی کوڈ پر عملدرآمد کی حکمت عملی تشکیل دینے کا بھی جائز ہ لیا گیا۔ اس ضمن میں خاص طورپر ڈیزاسٹر خطرات میں کمی کے بارے میں بھی خصوصی طورپر غور کیا گیا۔ اس عمارتی کوڈ کی زلزلہ کے حوالہ سے شقیں عمارتوں کے زلزلہ برداشت کرنے والے یکساں اور قابل عمل سستے طریقے اور ڈیزائن کو یقینی بناتی ہیں۔ اجلاس میں اس کوڈ کے نفاذ کیلئے مکمل طورپر قانون سازی اور بلڈنگ کوڈ کی خلاف ورزیوں کو روکنے کیلئے قانون ساز ی بارے بھی تبادلہ خیال کیا گیا۔مزید اہم خبریں
-
نوازشریف ملکی مفاد کی خاطرعمران خان سے بات چیت کیلئے تیار ہیں، رانا ثناء اللہ
-
بجلی چوری ، ایف آئی اے فیصل آباد زون کی بڑی کاروائیاں وفاقی وزیرداخلہ محسن رضا نقوی کی ہدایات پر بجلی چوری میں ملوث عناصر کیخلاف کریک ڈائون جاری
-
سپریم کورٹ کا کراچی میں رینجرز ہیڈ کوارٹرزسمیت تمام عمارتوں کے باہر سے رکاوٹیں ہٹانے کا حکم
-
پاکستان نے امریکی محکمہ خارجہ کی جاری کردہ انسانی حقوق سے متعلق رپورٹ مسترد کردی
-
"رینٹ اے پرائم منسٹر"
-
پی ٹی آئی کی تحریکوںملکی معیشت کو ناقابل تلافی نقصان پہنچا،شیری رحمان
-
سپریم کورٹ کا نسلہ ٹاور کی زمین بیچ کر الاٹیز کو معاوضہ ادا کرنے کا حکم
-
اگلے 5 دنوں میں طوفانی بارشوں کے باعث کسانوں کا بے تحاشہ نقصان ہونے کا خدشہ
-
ہم سب کو کسی سے سیاسی انتقام نہ لینے کا عزم کرنا چاہیے، متحد ہوکرملک کو درپیش بھنور سے نکالا جا سکتا ہے، سینیٹراسحٰق ڈار
-
سپیکر قومی اسمبلی سردارایازصادق کی زیر صدارت قومی اسمبلی کی قائمہ کمیٹیوں کی تشکیل کے حوالے سے اجلاس
-
بانی پی ٹی آئی ، پرویزالٰہی ، علی نوازاعوان و دیگرکے خلاف جوڈیشل کمپلیکس توڑپھوڑ کیس کی سماعت
-
مہنگائی کے بوجھ تلے دب جانے والی عوام پر گرمیوں کے آغاز میں ایک اور بجلی بم گرانے کی تیاریاں
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.