بھارتی اداکارہ شرمیلا ٹیگور کی زمین پر قبضہ کر لیا گیا

ہفتہ 5 دسمبر 2015 13:12

دہلی(اُردو پوائنٹ اخبار تازہ ترین۔5دسمبر2015ء) شرمیلا ٹیگور نے اپنی زمین پر غیر قانونی قبضے کے معاملے پر جبل پور کی عدالت کا دروازہ کھٹکھٹایا تاہم کوئی کارروائی نہ ہونے پر شرمیلا نے اب ہائی کورٹ میں درخواست دائر کی ہے۔ نئی بھارتی میڈیا رپورٹس کے مطابق درخواست میں شرمیلا ٹیگور کی جانب سے کہا گیا ہے کہ بھوپال میں ان کے شوہر مرحوم نواب پٹودی کی قریبا 3.28 ایکڑ زمین ہے جس میں سے تقریبا 15 ہزار فٹ کی زمین پر چاند خان نام کے بلڈر نے قبضہ کر لیا ہے۔

(جاری ہے)

بلڈر نے اس زمین پر تعمیراتی کام بھی شروع کر دیا ہے۔ درخواست میں کہا گیا ہے کہ اس بارے میں کئی مرتبہ نگم آيكت اور کلکٹر سے شکایت کی جا چکی ہے لیکن ان کی طرف سے کوئی کارروائی نہیں کی گئی جس کی وجہ سے اب انہیں کورٹ کی مدد لینی پڑ رہی ہے۔ درخواست پر سماعت کرتے ہوئے ہائیکورٹ نے شہری ترقی محکمہ کے سربراہ سکریٹری، ضلع کلکٹر اور نگم آيكت سمیت بلڈر چاند خان کو نوٹس جاری کر دیا ہے جس کا انہیں ایک ماہ کے اندر عدالت میں جواب پیش کرنا ہوگا۔

Facebook Twitter Google + Share on Whatsapp

بھارتی اداکارہ شرمیلا ٹیگور کی زمین پر قبضہ کر لیا گیا

مزید فن و فنکار کی خبریں