سینیٹر تاج حیدر کا پی آئی اے کی نجکاری کے مقصد سے لائے جانے والے صدارتی آرڈیننس پر گہرے افسوس کا اظہار
پارلیمنٹ کے دونوں ایوانوں کے اجلاس موخر کر کے آئی ایم ایف کے حکم پر صدارتی آرڈیننس کا اجرا قومی وقار کے منافی ہے،جنرل سیکرٹری پیپلزپارٹی سندھ
پیر 7 دسمبر 2015 21:01
کراچی (اُردو پوائنٹ اخبارتازہ ترین - این این آئی۔07 دسمبر۔2015ء) پاکستان پیپلز پارٹی سندھ کے جنرل سیکریٹری سینیٹر تاج حیدر نے پی آئی اے کی نجکاری کے مقصد سے لائے جانے والے صدارتی آرڈیننس پر گہرے افسوس کا اظہار کیا ہے ۔ انہوں نے کہا کہ پارلیمنٹ کے دونوں ایوانوں کے اجلاس موخر کر کے آئی ایم ایف کے حکم پر صدارتی آرڈیننس کا اجرا قومی وقار کے منافی ہے اور اس بات کا اعتراف ہے کہ ملک کی پارلیمنٹ کسی بھی صورت میں بیرونی دباؤ میں آ کر قانون سازی کی اجازت نہیں دے سکتی ۔
پی پی پی میڈیا سیل سندھ سے جاری کردہ بیان میں سینیٹر تاج حیدر نے کہا کہ موجودہ حکومت صرف اور صرف بیرونی قرضے بڑھا رہی ہے اور اس زیادہ سے زیادہ قرضے حاصل کرنے کے ہدف کو حاصل کرنے کے لئے کسی بھی حد تک جانے کو تیار ہے ۔(جاری ہے)
پی آئی اے کی نجکاری بھی اسی طرح تباہ کن اور مزدور دشمن ثابت ہوگی جس طرح اس سے قبل کے ای ایس سی کی اونے پانے داموں فروخت تباہ کن اور مزدور دشمن ثابت ہوئی تھی ۔
ملکی پیداوار مسلسل گر رہی ہے ۔ برآمدات زوال کا شکار ہیں ۔ داعش کے قبضے میں آئے ہوئے تیل کے کنؤوں کی اضافی پیداوار کی وجہ سے تیل کی عالمی قیمتوں میں بے انتہا کمی ہوئی ہے لیکن ہمیں یاد رکھنا چاہئیے کہ تیل کی قیمتوں میں یہ کمی محض عارضی ہے اور اگر یہ قیمتیں بڑھتی ہیں تو ہماری معیشت مکمل تباہی سے دوچار ہوجائے گی ۔ جناب تاج حیدر نے کہا کہ ناکام تجربات کو بار بار دہرانا کہاں کی دانشمندی ہے ۔ ہمارے ٹیکسوں اور قومی پیداوار کے تناسب میں بے انتہا کمی جس کی وجہ سے ہم اسٹیل مل اور پی آئی اے جیسے قومی اداروں کی بحالی کے لئے مطلوبہ رقوم وقت پر فراہم نہیں کرسکتے صرف اس وجہ سے ہے کہ ہم نے سرکاری شعبے کی صنعتوں کی بے دریغ نجکاری ہے اور ان سے حکومت کو جو ٹیکس ملا کر تا تھا وہ اب نہیں مل رہا ۔ ساتھ ہی ساتھ ان میں سے اسی فیصد سے زیادہ صنعتیں اب بند پڑی ہیں جس کی وجہ سے ملک میں بے روزگاری کا سیلاب آچکا ہے ۔ سینیٹر تاج حیدر نے حکومت کو متنبہ کیا کہ پاکستان پیپلز پارٹی پی آئی اے اور دیگر اداروں کی نجکاری کو روکنے کے کے لئے بھرپور جد و جہد کرے گی۔ انہو ں نے بین الاقوامی مالیاتی اداروں سے بھی کہا کہ وہ شرائط عائد کرنے پہلے اس بات کو سوچ لیا کریں کہ پاکستان کے محنت کشوں کی چاروں صوبوں میں مقبول سیاسی جماعت پاکستان پیپلز پارٹی نجکاری جیسے معاملات پر ایک جامع اور اٹل موقف رکھتی ہے ۔متعلقہ عنوان :
مزید قومی خبریں
-
وفاقی دارالحکومت اسلام آباد میں نان روٹی کی قیمتوں میں کمی کا نوٹیفکیشن عدالت نے 6 مئی تک معطل کردیا
-
ملیریا پرقابو پانے کےلئے مشترکہ کوششوں کی ضرورت ہے،چیئرمین سینیٹ کا ملیریا کے عالمی دن کے موقع پر پیغام
-
صدرمملکت کے خطاب پر بحث کے حوالے سے ایوان کے اتفاق رائے سے امور طے کیے جائیں گے، سپیکرقومی اسمبلی
-
گرل فرینڈ کا برگر کھانے پر ایس ایس پی کے بیٹے نے جج کے بیٹے کو قتل کر دیا
-
پنجاب پولیس کو 1ارب 20کروڑ روپے کے فنڈز جاری
-
9 مئی: ڈاکٹر یاسمین راشد کی درخواست ضمانت پر سماعت 27 اپریل تک ملتوی
-
موسمیاتی تبدیلی کرہ ارض کا درپیش عظیم چیلنج ہے، صورتحال کی سنگینی کو سمجھنا ہوگا: بلیغ الرحمان
-
گرفتاری کاڈر:شیر افضل مروت نے اسلام آباد ہائی کورٹ سے حفاظتی ضمانت کیلئے رجوع کرلیا
-
فواد چوہدری کیخلاف مقدمات،سیکرٹری داخلہ کو توہین عدالت کی درخواست پر نوٹس
-
کے پی حکومت کا بیوٹی پارلرز کے بعد وکلا کو بھی فکسڈ ٹیکس نیٹ میں لانے کا فیصلہ
-
راولپنڈی، 7 سالہ لڑکی کی قابل اعتراض تصاویر اور ویڈیوز وائرل کرنے پر ملزم کو 3 سال قید اور 25 لاکھ روپے جرمانہ کی سزا
-
جاوید لطیف اور رانا تنویر کے درمیان اختلافات حلقے میں ٹکٹوں کی تقسیم تنازع قرار
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.