منیٰ میں بھگدڑ سے 2,411 حاجی شہید ہوئے،امریکی میڈیا کا دعویٰ
جمعرات 10 دسمبر 2015 16:30
واشنگٹن(اُردو پوائنٹ اخبارتازہ ترین - آئی این پی۔10 دسمبر۔2015ء ) امریکی میڈیا نے دعویٰ کیا ہے کہ ستمبر میں سعودی عرب میں حج کے دوران منیٰ میں بھگدڑ سے 2411 حاجی شہید ہوئے ،یہ تعداد سعودی عرب کی طرف سے سرکاری طور پر جاری کئے گئے اعداد و شمار سے تین گنا زیادہ ہے ۔امریکی خبر رساں ادار کی رپورٹ کے مطابق ستمبر میں سعودی عرب میں حج کے دوران کم از کم 2,411 حاجی شہید ہوئے۔
اعداد و شمار سے ثابت ہوتا ہے کہ 24 ستمبر کو منیٰ میں بھگدڑ حج کی تاریخ کا مہلک ترین واقعہ تھی۔ اس سے چند دن قبل مکہ میں ایک کرین گرنے سے بھی درجنوں عازمین حج شہید ہوگئے تھے۔سعودی عرب نے علاقائی حریف ایران کی تنقید اور دیگر ملکوں کی جانب سے واقعے کی تحقیقات میں شامل ہونے کی کوششوں کو مسترد کر دیا تھا۔(جاری ہے)
اگرچہ سعودی عرب کے فرمانروا شاہ سلمان نے فوری طور پر واقعے کی تحقیقات کا حکم دیا تھا مگر اس کی کوئی تفصیلات ابھی نہیں بتائی گئیں۔
اعداد و شمار 180 میں سے 36 ملکوں کے سرکاری میڈیا اور سرکاری بیانات پر مبنی ہیں جن کے شہریوں نے اس سال حج کے لیے سعودی عرب کا سفر کیا تھا۔ اس دوران گم ہونے والے سینکڑوں افراد اب بھی لاپتا ہیں۔ سعودی عرب نے سرکاری طور پر 769 افراد کی شہادت کی تصدیق کی ہے اور 26 ستمبر کے بعد سے اس میں کوئی تبدیلی نہیں کی جبکہ حکام نے ان اعداد و شمار میں تضاد کی وضاحت بھی نہیں کی۔سرکاری خبررساں ادارے سعودی پریس ایجنسی نے 19 اکتوبر کے بعد اس واقعے کی تحقیقات کا کوئی ذکر نہیں کیا۔ 19 اکتوبر کو ادارے نے کہا تھا کہ ولی عہد محمد بن نائف جو وزیر داخلہ بھی ہیں، نے تحقیقات میں پیش رفت کی یقین دہانی کرائی ہے۔حکام نے کہا ہے کہ منیٰ میں اس وقت بھگرڑ مچی جب دو راستوں سے آنے والے حاجی ایک تنگ سڑک پر جمع ہو گئے اور وہاں موجود کئی افراد دم گھٹنے یا پاوٴں تلے کچلے جانے سے شہید ہو گئے۔ سعودی عرب نے پانچ روزہ حج کے دوران رش پر قابو پانے اور حفاظتی اقدامات پر اربوں ڈالر خرچ کیے ہیں۔اس سال 20 لاکھ سے زائد مسلمان حج کے لیے سعودی عرب گئے۔ اگرچہ ماضی میں ایک سال میں 30 لاکھ افراد بھی حج کر چکے ہیں مگر اس وقت ایسا کوئی واقعہ نہیں ہوا۔رپورٹ کے مطابق 464 شہریوں کیشہادت کے ساتھ ایران اس بھگدڑ میں سب سے زیادہ متاثر ہوا۔ مالی نے کہا ہے کہ اس کے 305 شہری شہید ہوئے، نائیجیریا کے 274 شہری جبکہ مصر کے 190 شہری شہید ہوئے۔دیگر شہید ہونے والوں میں 137 بنگلہ دیش سے تھے، 129 انڈونیشیا، 120 بھارت، 103 کیمرون، 102 پاکستان، 92 نائیجر، 61 سینیگال، 53 ایتھوپیا، 52 آئیوری کوسٹ، 50 بنین، 46 الجیریا، 43 چاڈ، 42 مراکش، 30 سوڈان، 25 تنزانیہ، 22 برکینا فاسو، 12 کینیا، 10 صومالیہ، سات سات گھانا، تیونس اور ترکی سے، چھ چھ لیبیا اور میانمار سے، چار چین سے، دو دو افغانستان، جبوتی، گیمبیا اور اردن سے، اور ایک ایک لبنان، ملائشیا، فلپائن اور سری لنکا سے تھے۔اس سے قبل 1990 میں حج کا پہلا مہلک ترین واقعہ ہوا تھا جس میں 1,426 افراد شہید ہوگئے تھے۔منی بھگدڑ سے قبل 11 ستمبر کو مکہ میں کرین گرنے سے 111 افراد شہید ہو گئے تھے۔متعلقہ عنوان :
مزید بین الاقوامی خبریں
-
سعودی عرب میں زبردست بارشوں کی پیشن گوئی
-
اذان میں تبدیلی سے متعلق شارجہ انتظامیہ نے وضاحت کر دی
-
بھارت، کرپشن میں ملوث سیاسی رہنما کی تصویر نے تہلکہ مچا دیا
-
اروند کیجریوال کی گرفتاری پر تشویش کااظہار، بھارت کا امریکی و جرمن سفارت کاروں کو طلب کرکے اعتراض
-
اوباما بائیڈن کے ٹرمپ کے ہاتھوں ہارنے سے بہت خوفزدہ
-
افغانستان، خواتین کو کھلے میدان میں سنگسار کرنے کا اعلان
-
میرے پاس الیکشن لڑنے کیلئے پیسے نہیں ہیں، بھارتی وزیر خزانہ
-
روس نیٹوممالک یا یورپ پر حملہ نہیں کرے گا، پیوٹن نے واضح کردیا
-
اسرائیل نے سفید پرچم اٹھانے والے 2 فلسطینیوں کو بھی قتل کر دیا
-
سعودی عرب کی 800 ہیکٹر فلسطینی اراضی پراسرائیلی قبضے کی مذمت
-
عرب اونٹ فیڈریشن کا العلا میں اپنی پہلی چیمپئن شپ کا اعلان
-
مسجد حرام میں زائرین کے لیے روبوٹ گائیڈ سسٹم فعال
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.