60سالہ سعودی شہری نے قرآن حفظ کرکے معمرترین حافظ ہونے کا اعزازاپنے نام کرلیا
حافظ طاہر کا ٹیسٹ بھی لیاگیاجس میں انہوں نے 96فیصد نمبر حاصل کئے،1000نئے حفاظ کرام کے اعزازمیں تقریب منعقد
جمعرات 10 دسمبر 2015 22:56
الریاض(اُردو پوائنٹ اخبارتازہ ترین - این این آئی۔10 دسمبر۔2015ء)ایک ساٹھ سالہ سعودی شہری نے قرآن حفظ کرکے معمرترین حافظ ہونے کا اعزازاپنے نام کرلیا،میڈیارپورٹس کے مطابق حِفظ قْرآن کریم کے حوالے سے عمومی خیال یہی ہے کہ کتاب اﷲ کو صرف کم عمری میں حفظ کیا جاسکتا ہے۔ ڈھلتی عْمر بالخصوص ساٹھ کے پیٹے میں پہنچ کر حفظ قرآن مجید اگر ناممکن نہیں تو مشکل ضرو رہے، مگرایک 60 سالہ سعودی شہری نے یہ معرکہ بھی صرف دو سال کی عمر میں سر کر کے مملکت کے معمر ترین حافظ قرآن کا اعزاز اپنے نام کرلیا ہے،رپورٹ کے مطابق جدہ میں حفظ قرآن کریم کی سعادت حاصل کرنے والے 1000 نئے حفاظ کرام کے اعزاز میں ایک تقریب میں 65 سالہ طاھرحسین آدم بھی موجود تھے۔
طاہر حسین کی ملاقات دو سال پیشتر جدہ کی النزلہ کالونی میں اپنے دوست ابراہیم محمد آدم سے ہوئی،ابراہیم قرآن کریم سرکلز کے معلم ہیں جوعموماً ایک فلاحی تنظیم کے زیرنگرانی حفظ قرآن کریم کے ایک ادارے میں شام کے وقت پڑھاتے ہیں،انہوں نے طاہرکو بھی قرآن پاک حفظ کرنے کی ترغیب دی اورکم عمرطلباء کی جماعت میں شامل کرلیا۔(جاری ہے)
طاہر نے بتایا کہ پچاس سال قبل وہ صومالیہ میں حفظ قرآن کریم کے ایک مسجد سے ملحقہ مدرسے میں داخل ہوئے تھے مگرقرآن پاک حفظ نہیں کرسکے۔
البتہ ان کے دل میں کتاب اﷲ کو یاد کرنے کا شوق آج بھی موجود ہے،دوست نے طاہر کی مزید حوصلہ افزائی کی، اگلے روز وہ حفظ قرآن کریم کی کلاس میں شامل ہوگیا اور روزانہ دو صفحے یاد کرنے لگا۔ وہ دن میں 30 مرتبہ اپنا سبق یاد کرتا، جب اس نے 10 پارے حفظ مکمل کرلیے تواﷲ نے اس کے لیے قرآن کریم یاد کرنا اور آسان کردیا، حال ہی میں جب طاھر نے حفظ قرآن مکمل لیا تو ان کا ٹیسٹ بھی لیا گیا جس میں انہوں نے 96 فی صد نمبر حاصل کرکے سب کو حیران کردیا تھا،الشیخ طاھر حسین نے قرآن مجید حفظ کرنے کی سعادت کے بارے میں بات کرتے ہوئے کہا کہ میں نے جب حفظ قرآن شروع کیا تو میرے دل میں نیک لوگوں میں شامل ہونے کا جذبہ پیدا ہوا،میری خواہش تھی کہ اﷲ کے رسول صلی اﷲ علیہ وسلم کے اس فرمان کے تحت کہ تم میں سے بہتر ہے وہ شخص جس نے قرآن سیکھا اور دوسروں کو سکھایا‘‘ میں بھی امت کے بہتر لوگوں میں شامل ہوجاؤں۔ادھر جدہ کے التقویٰ اکیڈیمی کے ڈائریکٹر عبداﷲ محمد الزھرانی نے بتایا کہ ان کے ادارے سے حفظ قرآن مکمل کرنے والوں کا دوسرا گروپ فارغ ہوا ہے، ان کے ہاں کئی بڑی عمر کے طلباء ہیں جن میں سے بعض کی عمریں 23 سے 70 سال کے درمیان ہیں۔مزید بین الاقوامی خبریں
-
غزہ کو امداد کی ترسیل، عارضی بندرگاہ کی تعمیر شروع کر دی گئی ، پینٹاگان
-
ٹرمپ نے امریکی تعلیم گاہوں میں جنگ مخالف ریلیوں کو بد ترین نفرت کا نام دے دیا
-
فرانس کی طرف سے اسرائیلی آباد کاروں پرپابندیوں کی دھمکی
-
ٹک ٹاک کی مالک کمپنی کا ایپ فروخت کرنے سے انکار
-
سڈنی، چاقوحملے میں جاں بحق پاکستانی گارڈ کی نمازجنازہ
-
گزشتہ سال دنیا کے 28 کروڑ افراد شدید غذائی قلت کا شکار رہے، اقوام متحدہ
-
مسجد نبوی ﷺمیں ایک ہفتہ کے دوران 60 لاکھ زائرین کی آمد
-
ملائیشیا کے سابق وزیر اعظم کو انسداد بدعنوانی کی تحقیقات کا سامنا
-
غزہ سے ملنے والی اجتماعی قبروں میں فلسطینیوں کو زندہ دفن کیے جانے کا دعوی
-
اسرائیلی بمباری میں ننھا بچہ زخمی، چہرے پر 200 ٹانکے لگے
-
پاکستان کیساتھ مضبوط رشتہ ہے، امریکا نے اختلافات کی خبروں کو مسترد کردیا
-
فلسطینیوں پرمظالم پر امریکی جامعات میں احتجاج شدت اختیارکرگیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.