کراچی میں ٹھنڈ کا ڈیرا، سردی کی شدت مزید 2 روز جاری رہنے کا امکان
ہفتہ 12 دسمبر 2015 14:43
کراچی(اُردو پوائنٹ اخبارتازہ ترین - آئی این پی۔12 دسمبر۔2015ء ) کوئٹہ سمیت شمال مغربی بلوچستان میں ہونے والی برف باری اور بارش سے سردی کی شدت بڑھ گئی ہے۔ کراچی میں بھی ٹھنڈ میں اضافہ ہوگیا ۔ملک کے بالائی حصوں اور شمال مشرقی بلوچستان میں برف باری اور بارش نے سردی کی شدت میں اضافہ کردیا ہے۔ گلگت بلتستان ، خیبر پخونخوا کے پہاڑی علاقوں اور گلیات میں پہاڑوں پر ہونے والی برفباری کے باعث لوگوں کی مشکلات بڑھ گئی ، گلیات میں گزشتہ دو روز سے بجلی کی فراہمی معطل ہے جب کہ رابطہ سڑکوں کی بندش نے مقامی افراد کے روز مرہ معمولات کو شدید متاثر کیا ۔
کوئٹہ اور قلات سمیت بلوچستان کے شمالی علاقوں میں برفباری اور بارش نے جہاں ان علاقوں کو شدید سردی کی لپیٹ میں لے رکھا ہے وہیں کوئٹہ کی یخ بستہ ہواوٴں نے کراچی کو بھی موسم کو یک لخت سرد کردیا ہے۔(جاری ہے)
شہر میں اس وقت 8 سے 10 ناٹ کی رفتار سے گرد آلود ہوائیں چل رہی ہیں جب کہ حد نگاہ 4 کلو میٹر تک ہے۔محکمہ موسمیات کے مطابق گزشتہ 24 گھنٹوں کے دوران سب سے سردی قلات میں رہی جہاں کم سے کم درجہ حرارت منفی 12 ڈیگری ریکارڈ کیا گیا۔
اس کے علاوہ کالام میں منفی 11 ، استور منفی 10 ، کوئٹہ اور دالبندین منفی 7 جب کہ مالم جبہ اور پاراچنار منفی 05 ڈگری سینٹی گریڈ ریکارڈ کیا گیا۔ آئندہ آئندہ 24گھنٹوں کے دوران ملک کے بیشتر علاقوں میں موسم سرد اور خشک رہے گا جبکہ پنجاب کے میدانی علاقوں، پشاور اور سکھر ڈویژن میں رات اورصبح کے وقت شدید دھند چھائے رہنے کا امکان ہے جب کہ کراچی میں کم از کم درجہ حرارت 10 ڈگری سینٹی گریڈ رہنے کا امکان ہے۔ماہرین نے پیش گوئی کی ہے کہ آئندہ تین سے چار روز کے دوران شمالی بلوچستان سمیت ملک کے بالائی اور وسطی علاقوں میں موسم شدید سرد اور خشک رہے گا جب کہ پنجاب کے میدانی علاقوں، پشاور اور سکھر ڈویڑن میں شدید دھند پڑے گی۔متعلقہ عنوان :
مزید موسم کی خبریں
-
ملک کے بالائی علاقوں میں چند مقامات پر گرج چمک کے ساتھ ہلکی بارش کا امکان ہے، محکمہ موسمیات
-
محکمہ موسمیات خیبرپختونخوا کی آئندہ ہفتے بارشوں اور برفباری کی پیشن گوئی
-
کراچی میں سردی کی لہر برقرار، درجہ حرارت 10ڈگری سینٹی گریڈ ریکارڈ
-
لاہور سمیت پنجاب کے مختلف علاقوں میں ہلکی بارش سے موسم خوشگوار
-
محکمہ موسمیات کی آئندہ ہفتہ شہر لاہور میں بارش کی پیش گوئی
-
25 فروری کو آنے والے سسٹم کے زیراثرکراچی میں بھی بارش کا امکان
-
ملک کے بالائی، وسطی علاقوں میں 17 سے 21 فروری تک بارشوں کی پیشگوئی
-
لاہور سمیت پنجاب بھر میں موسلادھار بارش سے سردی میں اضافہ
-
31جنوری سے 4فروری تک بارش اورپہاڑوں پر برف باری پیشگوئی
-
ہفتہ کے روز سے ملک کے بیشتر علاقوں میں بارش کی توقع
-
کراچی دنیا کے آلودہ ترین شہروں میں سرفہرست، ایئرکوالٹی انڈیکس 241ریکارڈ
-
کراچی نے آلودگی میں دنیا کے تمام شہروں کو پیچھے چھوڑ دیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.