سہراب گوٹھ میں پولیس مقابلے میں کالعدم تحریک طالبان کے دو دہشت گرد ہلاک جبکہ چار فرار ہونے میں کامیاب ہو گئے

Zeeshan Haider ذیشان حیدر ہفتہ 12 دسمبر 2015 19:16

کراچی( اُردو پوائنٹ تازہ ترین ۔۔ آئی پی اے ۔۔12 دسمبر۔2015ء ) کراچی کے علاقے سہراب گوٹھ میں پولیس مقابلے میں کالعدم تحریک طالبان کے دو دہشت گرد ہلاک جبکہ چار فرار ہونے میں کامیاب ہو گئے۔ ملیر زون پولیس نے خفیہ اطلاع پر سہراب گوٹھ میں چھاپہ مار کارروائی کی۔ چھاپے کے دوران دہشت گردوں نے پولیس پارٹی پر فائرنگ کر دی۔ پولیس نے جوابی فائرنگ کی تو کالعدم تحریک طالبان کے دو دہشت گرد ہلاک جبکہ تین فرار ہونے میں کامیاب ہو گئے۔

(جاری ہے)

ہلاک دہشت گردوں میں سے ایک کی شناخت عبد اﷲ عرف کوبرا کے نام سے ہوئی ہے۔ ایس ایس پی ملیر راؤ انوار کے مطابق دہشت گرد شہر قائد میں تخریب کاری کی بڑی منصوبہ بندی کر رہے تھے۔مقابلے کے بعد پولیس کی اضافی نفری کو علاقے میں طلب کر لیا گیا اور گھر گھر تلاشی کا عمل شروع کر دیا گیا۔ تلاشی کے دوران دہشت گرد بڈو بھائی فرار ہو گیا جس کی موٹر سائیکل پولیس نے قبضے میں لے لی۔ پولیس حکام کا کہنا ہے کہ فرار دہشت گردوں کی گرفتاری کیلئے چھاپوں کا سلسلہ جاری ہے۔