آئی پی ایل 2016ء کی پلیئر ڈرافٹنگ 15 دسمبر کو ہو گی

اتوار 13 دسمبر 2015 13:09

ممبئی (اُردو پوائنٹ اخبارتازہ ترین - این این آئی۔13 دسمبر۔2015ء)آئندہ برس شیڈول انڈین پریمیئر لیگ (آئی پی ایل) کے نویں ایڈیشن کے سلسلے میں پلیئر ڈرافٹنگ 15 دسمبر کو ممبئی میں ہو گی جس میں دو نئی فرنچائزز پونے اور راجکوٹ من پسند 10 کھلاڑیوں کا چناؤ کریں گی۔ تفصیلات کے مطابق دو نئی فرنچائزز کیلئے کھلاڑیوں کی ڈرافٹنگ 15 دسمبر کو ہو گی جبکہ کھلاڑیوں کی نیلامی کی تقریب 6 فروری کو ہو گی۔

(جاری ہے)

میچ فکسنگ کے باعث معطلی کا شکار چنائی سپر کنگز اور راجستھان رائلز کی جگہ پونے اور راجکوٹ نے لیگ میں شمولیت کی بڈ جیتیں تھیں، پونے 16 اور راجکوٹ 10 کروڑ روپے بھارتی کرکٹ بورڈ کا ادا کریں گی جبکہ معطلی کا شکار دونوں فرنچائزز لیگ میں شرکت نہ کرنے کے باوجود آئی پی ایل کی فیس ادا کریں گی۔ پلیئر ڈرافٹ میں بھارتی ٹیم کے چند بڑے نام جن میں دھونی، رائنا، ایشون، جدیجا شامل ہیں بھی خریداری کیلئے پیش ہوں گے۔ یاد رہے کہ آئی پی ایل کا نواں ایڈیشن 9 اپریل سے 29 مارچ تک کھیلا جائے گا۔

Facebook Twitter Google + Share on Whatsapp

آئی پی ایل 2016ء کی پلیئر ڈرافٹنگ 15 دسمبر کو ہو گی

مزید کھیلوں کی خبریں