سندھی ثقافت ٹوپی اجرک کے دن کے موقع پر کراچی کے مختلف علاقوں میں رنگا رنگ تقاریب کا انعقاد
اتوار 13 دسمبر 2015 22:20
کراچی (اُردو پوائنٹ اخبارتازہ ترین - این این آئی۔13 دسمبر۔2015ء) سندھی ثقافت ٹوپی اجرک کے دن کے موقع پر کراچی کے مختلف علاقوں میں رنگا رنگ تقاریب ، ریلیاں ، رقص ، قومی گیت ۔ صحافیوں نے مائی موکھی کے مزار تک ریلی نکال کر حاضری دی اور دعائیں مانگیں ۔ صوفی فنکاروں ، ادیبوں ، شاعروں کی شرکت ۔
(جاری ہے)
جسقم کی جانب سے یوم ثقافت کے حوالے سے گلشن حدید سے کراچی پریس کلب تک سینکڑوں گاڑیوں کی ریلی تفصیلات کے مطابق؛ ہر سال کی طرح اس سال یکم دسمبر سے 13دسمبرتک یوم سندھی ثقافت کی تقریبات کو قومی جوش و جذبے کے ساتھ منایا گیا ، گذشتہ آخری روز 13 دسمبر کو کراچی کے شہر ی و مضافاتی علاقوں میں عید کا سماں بندھ گیا ، چھوٹے اور بڑے ٹوپی اجرک پہن کر مختلف تنظیموں کی جانب سے نکالی گئی ریلی اور تقریبات میں شرکت کرتے رہے ، اس سلسلے میں عوامی پریس کلب ملیر کے صحافیوں نے ثقافتی دن کے حوالے سے پریس کلب سے گڈاپ مائی موکھی کی مزار تک ریلی نکالی جس میں ماہر تعلیم قاضی عبدالطیف ، ضلعی کاوٴنسلر ابوبکر میمن ، سماجی رہنما ظفر حمید ، شاعر غفور شاہ الطاف بلوچ ، صحافی سامی میمن ، عبدالکریم خاصخلیی و دیگر نے بڑی تعداد میں شرکت کی ، اس موقع پر مائی موکھی کی مزار پر چادر چڑھائی گئی ، اجرک و چادر چڑھا کر سندھ و ملک کی خوشحالی کیلئے دعائیں کی گئیں ، جس کے بعد ادبی و ثقافتی پروگرام منعقد کیا گیا جس میں غفور شاہ نے اپنی شاعری سنائی اور فقیر حبیب اللہ نے اپنے ساتھیوں سمیت صوفیانہ کلام سناکر محفل کو چار چاند لگا دیے، دوسری جانب جسقم کی جانب سے یوم ثقافت کے موقع پر گلشن حدید سے کراچی پریس کلب تک کی ریلی نکالی گئی جس میں ہزاروں افراد نے شرکت کرکے یوم ثقافت منایا ادھر گلشن حدید ، گھگھر ، پپری ، ابراہیم حیدری ، سچل گوٹھ ، میں ثقافتی ریلیاں اور پروگرام ترتیب دیے گئے ، شاہ لطیف ٹیچرز ایسوسیئیشن اور مختلف اسکولز کے اساتذہ اور بچوں نے پروگرام ترتیب دیے ، اس موقع پر سیاسی و سماجی رہنماوٴں نے اپنے پیغام میں ثقافتی دن کے حوالے سے عوام کو متحد اور منظم ہونے، بھائی چارا قائم کرنے ، اپنی دہرتی سے سخاوت و محبت کا درس دیا ، کھوکھراپار میں روشن تارا اسکول سچل گوٹھ کی جانب سے بھی تقریب منعقد کی گئی ۔
متعلقہ عنوان :
مزید قومی خبریں
-
نوازشریف کے دیرینہ ساتھی مرزا آصف بیگ انتقال کرگئے
-
اوکاڑہ گھریلو ملازمہ مبینہ زیادتی کے بعد قتل
-
لانڈھی دھماکا، وزیر ِداخلہ سندھ کا پولیس کیلئے انعام و اسناد کا اعلان
-
لانڈھی دھماکے کا زخمی دم توڑ گیا، دوسرا وینٹی لیٹر پر منتقل
-
لاہور : تین سرکاری ہسپتالوں کیلئے اربوں روپے کا بجٹ جاری
-
سرکاری لیبارٹریز نے ڈینگی مریضوں کی تشخیص بند کر دی
-
اسلام آباد کے شہریوں کے لئے شروع کئے جانے والے ہائوسنگ کے منصوبوں کو ترجیحی بنیادوں پر مکمل کیا جائے گا ، کسی قسم کی کوتاہی برداشت نہیں کی جائے گی ،ریاض پیرزادہ
-
فیصل آباد سے پتوکی اپنے سسرال آئے شخص نے خود کو فائر مارکر خودکشی کرلی نعش ہسپتال پتوکی منتقل
-
ملتان: تندور مالکان نمایاں مقامات پر 100 گرام روٹی کی قیمت 15 روپے آویزاں کریں، ڈپٹی کمشنر
-
گورنرپنجاب سے سرجن ڈاکٹر برگیڈیئر (ر)رئوف افتخار احمد کی ملاقات
-
گورنرپنجاب کی لاہور ایجوکیشن رپورٹرز ایسوسی ایشن'' لیرا'' کے منتخب عہدیداروں کو مبارکباد
-
اپوزیشن ایک نہتی لڑکی آصفہ بی بی سے ڈرتی ہے،بلاول بھٹو زرداری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.