ایم اے جناح یونیورسٹی میں داخلہ کے خواہشمند طلبہ کے والدین کے لئے بریفنگ کا انعقاد
ماجو میں کسی بھی غیر معمولی صورتحال میں تعلیمی سرگرمیاں متاثر نہیں ہونے دی جاتی ہیں،پروفیسر ڈاکٹر عبدالوہاب
پیر 14 دسمبر 2015 21:20
کراچی(اُردو پوائنٹ اخبارتازہ ترین - این این آئی۔14 دسمبر۔2015ء) ملک کے ممتاز ماہر تعلیم،جامعہ کراچی اور آئی بی اے کے سابق سربراہ پروفیسر ڈاکٹر عبدالوہاب کی سربراہی میں کام کرنے والی محمد علی جناح یونیورسٹی کراچی( ماجو) میں اس بات کو سب سے زیادہ اہمیت دی جاتی ہے کہ شہر میں ہونے والی کسی بھی غیر معمولی صورتحال کے دوران جن میں ہڑتالیں، ہنگامہ آرائی، مظاہرے اور ٹریفک جام کے مسائل شامل ہیں یونیورسٹی کی تعلیمی سرگرمیاں بالکل متاثر نہ ہونے پائیں، اس قسم کی صورتحال میں تعلیم حاصل کرنے آنے والے طلباء کی واپسی اور کھانے پینے کا انتظام یونیورسٹی کی جانب سے کیا جاتا ہے ۔
یہ بات ماجو کے کمپیوٹر سائینس کے شعبہ کے چئیرمین احمر عمر نے گزشتہ روز داخلہ کے خواہشمند طلبہ کے والدین کو یونیورسٹی کی تعلیمی سرگرمیوں سے متعلق دی جانے والی ایک بریفنگ کے دوران بتائی۔(جاری ہے)
انہوں نے کہا کہ والدین اپنے بچوں کو اعلیٰ تعلیمی اداروں میں اس امید پر بھیجتے ہیں کہ وہ جس مضمون کی تعلیم حاصل کررہے ہیں اس کی تکمیل کے بعد عملی زندگی میں داخل ہوکر متعلقہ شعبہ میں نمایاں کارکردگی کا مظاہر کرسکیں اور ایک کامیاب انسان ثابت ہوں۔
انہوں نے والدین کو بتایا کہ ماجو میں داخلہ لینے والے طلبہ کو تعلیم دینے کی ساتھ ساتھ ان کی اچھی تربیت پر بھی خصوصی توجہ دی جاتی ہے تاکہ وہ یہاں سے تعلیم مکمل کرکے جانے کے بعد معاشرے کے لئے ایک مفید اور کار آمد شہری ثابت ہوں اور زندگی کے کسی بھی شعبہ میں نمایاں کارکردگی کا مظاہرہ کرکے ملک اور قوم کا نام بلند کرسکیں۔احمر عمر نے بتایا کہ ماجو میں تعلیمی کیلنڈر پر سختی کے ساتھ عملدرآمد کی بنا پر تمام سییمسٹرز وقت پر شروع ہوتے ہیں اور مقررہ وقت پر اختتام پذیر ہونے کے علاوہ امتحانات بھی شیڈول کے مطابق منعقد ہوتے ہیں جس کی وجہ سے ماجو میں طلبہ کی حاضری کا اوسط 95 سے زائید رہتا ہے۔انہوں نے بتایا کہ ہر سیمسٹر میں ایک طالب علم کو 6 چھٹیاں کرنے کی اجازت ہوتی ہے اور اس سے زائید چھٹیاں کرنے پر طالب علم امتحانات میں شرکت کا اہل نہیں رہتا ہے۔انہوں نے مزید بتایا کہ دوران تعلیم یونیورسٹی میں طلبہ کو بہتر نظم ونسق کا مظاہرہ کرنے کا پابند بنایا جاتا ہے اور اس کی خلاف ورزی پر نظم ونسق کی نگرانی کرنے والی کی کمیٹی کی سفارش پر جرمانہ عائید کیا جاتا ہے یاداخلہ بھی منسوخ کردیا جاتا ہے۔انہوں نے کہ کہ ماجو میں مخلوظ نظام تعلیم کے باوجود کلاس روم اور کمپیوٹر لیب میں طالبات کی نشستیں علیحدہ رکھی جاتی ہیں اور انھیں ایک ایسا ماحول فراہم کیا جاتا ہے جس میں آزادانہ طور پر اپنی صلاحیتوں کا اظہار بلا کسی خوف و خطر کے کرسکیں۔متعلقہ عنوان :
مزید قومی خبریں
-
چئیرمین سینٹ سید یوسف رضا گیلانی سے جنوبی پنجاب سیکریٹریٹ میں سابق وزیر خارجہ جلیل عباس جیلانی اور وفود کی ملاقاتیں
-
اسلام آباد، ڈرائیونگ لائسنس کی فیس میں 25فیصد اضافہ
-
پاکستان بیورو برائے شماریات کی ہفتہ وار رپورٹ جاری ،قیمتوں میں ہفتہ وار بنیادوں پر 1.39 فیصد کی نمایاں کمی
-
ڈیرہ اسماعیل خان پولیس کی کارروائی،ڈاکو گرفتار ، چھینی گئی رقم 6 لاکھ روپے برآمد
-
کامن ویلتھ یوتھ سیکرٹریٹ پاکستان میں بننے سے نوجوانوں کو 56ممالک تک رسائی ہو گی، رانا مشہود احمد
-
عدالت کا سیل کردہ تندور ڈی سیل اور گرفتارلوگوں کو رہا کرنے کا حکم
-
سپریم کورٹ،نیب ترامیم فیصلے کیخلاف اپیلوں پر سماعت کیلیے لارجربینچ تشکیل،سماعت 14مئی کوہوگی
-
اسلام آبادجیل تعمیر کا پہلا مرحلہ ریکارڈ 6 ماہ کی مدت میں مکمل کیا جائے گا،وفاقی وزیر داخلہ
-
وزیراعلیٰ پنجاب نے طلبہ کیلئے لیپ ٹاپ سکیم کی منظوری دیدی
-
شمالی وزیرستان، لڑکیوں کے نجی اسکول کو دھماکے سے اڑا دیا گیا
-
پا کستا ن کے تیسرے بڑے شہر فیصل آبا د میں ڈکیتی‘ راہزنی اور چوری کی وارداتوں کا سلسلہ جاری
-
چیئرمین و ڈپٹی چیئرمین سینیٹ کاگوادر میں معصوم مزدورں کے قتل پر افسوس کا اظہار
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.