شاہ رخ نے سلمان خان کو اپنا بھائی جان کہہ دیا

منگل 15 دسمبر 2015 13:15

شاہ رخ نے سلمان خان کو اپنا بھائی جان کہہ دیا

ممبئی (اُردو پوائنٹ اخبارتازہ ترین - این این آئی۔15 دسمبر۔2015ء) بالی ووڈ کنگ شاہ رخ خان اور سلمان خان کی بڑھتی ہوئی دوستی کے چرچے تو آج کل میڈیا کی سرخیوں میں ہیں۔اور یہی وجہ ہے کہ اداکار شاہ رخ نے سلمان خان کو اپنا ’بھائی جان‘ کہہ دیا۔

(جاری ہے)

ٹوئٹر پر شاہ رخ خان کے مداح نے ان سے سوال کیا کہ اگر انہیں ذاتی زندگی میں کبھی ایک بھائی کی طلب ہوئی جس پر شاہ رخ کا کہنا تھا کہ ان کے دونوں بیٹے اب ان کے لیے دوست کی طرح ہیں اور ساتھ ہی انہیں کسی بھائی کی ضرورت نہیں کیونکہ سلمان ان کے بھائی جان ہیں۔

یاد رہے کہ بالی ووڈ کے دونوں سپر سٹارز میں کئی سالوں تک سرد جنگ چلتی رہی لیکن اب ان دونوں کے درمیان دوبارہ دوستی ہوگئی ہے۔اس دوران ایک مداح نے شاہ رخ سے پوچھا کہ ان کو اپنی آٹو باؤ گرافی پر کام کرنا کیسا لگ رہا ہے، تو اس پر انہوں نے کہا کہ اپنی زندگی پر لکھنا بہت پیچیدہ ہے اس میں وقت لگے گا۔

متعلقہ عنوان :