سوئی ناردرن گیس کمپنی کا آج سے پنجاب بھر کے سی این جی اسٹیشن غیر معینہ مدت کیلئے گیس کی فراہمی بند کرنے کا اعلان

عمر جمشید بدھ 16 دسمبر 2015 11:27

لاہور(اُردو پوائنٹ تازہ ترین ۔۔ آئی پی اے ۔۔16 دسمبر۔2015ء) سوئی ناردرن گیس کمپنی نے آج بدھ کے روز سے پنجاب بھر کے سی این جی اسٹیشن غیر معینہ مدت کیلئے گیس کی فراہمی بند کرنے کا اعلان کیا ہے۔فیصلے پر عملدرآمد صبح چھ بجے سے ہوگا۔

(جاری ہے)

ترجمان سوئی ناردرن کے مطابق ملک میں درآمدی ایل این جی گیس کی قلت پیدا ہوگئی ہے اورسردی کی شدت بڑھنے کے باعث گھریلو صارفین کی طلب میں بہت اضافہ ہوگیا ہے، گھریلوصارفین کی طلب پوری کرنے کیلئے 16دسمبر صبح 6 بجے سے پنجاب بھر کے سی این جی اسٹیشن بند کیے جارہے ہیں، یہ بندش فی الحال غیر معینہ مدت کیلیے ہوگی۔ترجمان سوئی ناردرن کا کہنا ہے کہ ان حالات میں سی این جی اسٹیشنز کو گیس فراہم کرنے سے سسٹم بیٹھ جانے کا خدشہ ہے۔