دلیپ کمار کی بدھوبالا کے ساتھ جذباتی وابستگی تھی
انہیں آل ٹائم فیورٹ جوڑی قرار دیا جاتا رہا لیکن ان دونوں کی آپس میں شادی نہ ہو سکی
بدھ 16 دسمبر 2015 12:57
ممبئی (اُردو پوائنٹ اخبارتازہ ترین - این این آئی۔16 دسمبر۔2015ء) کنگ آف ٹریجڈی کا خطاب پانے والے ہندی سنیما کے لیجنڈ اداکار یوسف خان جنہیں دنیا دلیپ کمار کے نام سے زیادہ جانتی ہے، کے بارے میں کہا جاتا ہے کہ ا ن کے پائے کا ایکٹر آج تک بولی وڈ میں پیدا نہیں ہوسکا۔ وہ ایک ادارے کی حیثیت رکھتے ہیں۔ اپنے عروج کے دور میں انہوں نے کم وبیش ہر ٹاپ کلاس اداکارہ کے ساتھ کام کیا اور ہر ہیروئن کے ساتھ، چاہے وہ کامنی کوشل ہوں یا وحیدہ رحمان، انہیں بے حد پسند کیا گیا، لیکن مدھوبالا کے ساتھ ان کی جذباتی وابستگی تھی۔
اسی لیے انہیں آل ٹائم فیورٹ جوڑی قرار دیا جاتا رہا۔ مدھو بالا دلیپ کمار کے ساتھ اپنے تعلقات کے حوالے سے بے حد سنجیدہ تھیں اور انہوں نے کبھی ان کو چھپانے کی کوشش بھی نہیں کی۔(جاری ہے)
ایک بار فلم انسانیت کے پریمیئر کے موقع پر وہ دونوں ہاتھ میں ہاتھ ڈالے شامل ہوئے تھے۔ دلیپ کمار اور مدھوبالا کی کہانی ایک کھلی حقیقت تھی، جسے انہوں نے کسی سے بھی خفیہ رکھنے کی کوشش نہیں کی، لیکن بدقسمتی سے ان دونوں لیجنڈز کی آپس میں شادی نہ ہوسکی اور محبت کی یہ کہانی ہمیشہ کے لیے ادھوری رہ گئی۔
2014 میں بالآخر دلیپ کمار نے مدھو بالا کے ساتھ اپنے تعلقات کے بارے میں خاموشی کو توڑ ڈالا۔اس میں لکھا گیا کہ میں اس بات کو مانتا ہوں کہ میں اس (مدھو بالا) کی جانب کشش محسوس کرتا تھا دونوں ہی بہت اچھے اداکار تھے لیکن بہ حیثیت انسان وہ اس دور کی ایک مکمل خاتون تھیں جن کی رفاقت کا میں خواہاں تھا۔ انہوں نے مزید لکھا کہ مدھوبالا کے والد نہیں چاہتے تھے کہ ہماری شادی ہو پائے، کیوں کہ وہ یعنی عطاآ (مدھو کے والد) اپنا پروڈکشن ہاؤس بنانا چاہتے تھے اور ان کی خواہش تھی کہ ہم دونوں اپنے کیریئر کے اختتام تک ان کی پروڈکشن میں بنائی جانے والی فلموں کے لیے ہاتھوں میں ہاتھ ڈالے ڈوئٹ گاتے رہیں۔حالانکہ میں نے ان دونوں کو مدھو اور ان کے والد کو بتا دیا تھا کہ میرے کام کرنے اپنا انداز ہے میں پابند ہوکر کام نہیں کرسکتا۔ میری عطا آ سے کئی ملاقاتیں ہوئیں، لیکن مجھے افسوس ہے کہ وہ تما م ملاقاتیں ناخوش گوار رہیں۔ قطع نظر اس کے کہ ان کی جوڑی امر نہ ہوسکی، لیکن آج بھی محبت کی کہانیوں میں دلیپ کمار اور مدھو بالا کا نام لیا جاتا ہے۔مزید فن و فنکار کی خبریں
-
ایمن خان کی ہمشکل لڑکی کی ڈانس ویڈیو وائرل
-
زوہاب خان نے داڑھی بڑھانے کیلئے ٹرانسپلانٹ کروانے کی وجہ بتا دی
-
جس کومیری بات بری لگی وہ بابراعظم کواپنی بہن کا رشتہ دے دیں، نازش جہانگیر
-
اداکارسلمان خان کے گھر کے باہر فائرنگ میں استعمال ہونے والا اسلحہ برآمد
-
سنسربورڈ کا چارج ملا تو تمام ڈراموں پرپابندی لگا دوں گا، نعمان اعجاز
-
نورا فتیحی فوٹوگرافرز سے ناراض، الزام عائد کردیا
-
بریانی نہیں ہوں جو ہر کسی کو پسند آئوں، حنا رضوی کا شادی پر تنقید کرنے والوں کو جواب
-
ہانیہ عامر نے بائیک رائیدنگ کو اپنا نیا ہدف بنا لیا
-
فلم انڈسٹری کے نامور مزاحیہ اداکارمنورظریف کی برسی29 اپریل کو منائی جائیگی
-
ہدایتکار حسن طارق کی برسی منائی گئی
-
معروف گلوکار احمد رشدی کا یوم پیدائش منایا گیا
-
چھوٹی عمر میں شادی پر اداکارہ کو کوئی افسوس نہیں ،اداکارہ سدرہ نیازی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.