،،مشرف غداری کیس ،،
خصوصی عدالت نے ایف آئی اے سے 13جنوری تک تحقیقاتی رپورٹ طلب کر لی
جمعرات 17 دسمبر 2015 11:47
اسلام آباد (اُردو پوائنٹ اخبارتازہ ترین - آن لائن۔17دسمبر۔2015ء) سابق صدر پرویز مشرف کے خلاف سنگین غداری مقدمے میں خصوصی عدالت نے ایف آئی اے سے 13جنوری تک تحقیقاتی رپورٹ طلب کر لی جبکہ دوسری جانب ایف آئی اے نے ابتدائی تحقیقاتی رپورٹ جمع کراتے ہوئے عدالت سے تحقیقات مکمل کرنے کے لئے چار ہفتے کا وقت مانگ لیا ہے ۔ ایف آئی اے نے اپنی رپورٹ میں بتایا ہے کہ ابتدائی طور پر جسٹس ریٹائر اجمل میاں کا بیان قلمبندکر لیا گیا ہے جبکہ سابق وزیر اعطم شوکت عزیز سابق چیف جسٹس عبدالحمید ڈوگر سمیت دیگر افراد کے بیانات ریکارڈ کرنے کے لئے مزید وقت درکار ہے ۔
یہ رپورٹ جسٹس فیصل عرب کی سربراہی میں سماعت کرنے والی خصوصی عدالت کے روبرو جمعرات کو پیش کی گئی ہے جبکہ پرویز مشرف کے وکیل فروغ نسیم نے خصوصی عدالت میں ایک درخواست دائر کی ہے جس میں سابق صدر کے ضمانتی مچلکے واپس لینے کی استدعا کی گئی ہے ۔(جاری ہے)
تاہم رجسٹرار نے درخواست پر اعتراض لگا کر واپس کر دیہے۔ تفصیلات کے مطابق سماعت شروع ہوئی تو ایف آئی اے کے افسر پیش ہوئے اور انہوں نے عدالت کو بتایا کہ سابق صدر پرویز مشرف سنگین غداری مقدمے میں تحقیقات کا آغاز کر دیا گیا ہے اور اس حوالے سے تحقیقات جاری ہیں ۔
ابتدائی طور پر جسٹس اجمل میاں کا بیان بھی ریکارڈ کر لیا گیا ہے معاملہ انتہائی حساس ہے اس کے لئے چار ہفتے مزید دیئے جائیں ۔ اس پر عدالت نے کہا کہ آپ 13 جنوری تک بیانات ریکارڈ کر کے رپورٹ عدالت میں پیش کریں جبکہ پرویز مشرف کے وکیل فروغ نسیم نے خصوصی عدالت میں ایک درخواست دائر کی ہے جس میں سابق صدر کے ضمانتی مچلکے واپس لینے کی استدعا کی گئی ہے ۔تاہم رجسٹرار نے درخواست پر اعتراض لگا کر واپس کر دی ہے ۔ پرویز مشرف کے وکیل کا کہنا ہے کہ اعتراض عام نوعیت کے ہیں ان کو دور کر کے درخواست دوبارہ جمع کرا دی جائے گی ۔ بعدازں عدالت نے سماعت 13 جنوری تک ملتوی کر دی ۔متعلقہ عنوان :
مزید اہم خبریں
-
سگریٹ کو مزید مہنگا کرکے نوجوانوں کو تمباکو نوشی سے دوررکھا جاسکتا ہے
-
سندھ حکومت کا آئندہ ہفتے 2 تعطیلات کا اعلان
-
حکومت اور جماعتوں کو مل کرخفیہ ایجنسیوں کی سیاست میں مداخلت کوروکنا چاہیے
-
افغانستان میں جنگی جرائم کی تحقیقات، برطانوی وزیرکو سزا ملنے کا امکان
-
کیا ترکی شامی پناہ گزینوں کی غیر قانونی ملک بدری کررہا ہے؟
-
عدلیہ میں کسی قسم کی مداخلت برداشت نہیں ہوگی
-
عمران خان سمیت اڈیالہ جیل کے تمام قیدیوں سے ملاقاتوں پرپابندی ختم
-
رانا مشعود احمد خان اور ڈاکٹرمختار بھرت وزیراعظم کے کوآرڈینیٹر مقرر
-
وفاقی وزیر داخلہ محسن نقوی کاایک روزہ دورہ پشاور،کمانڈنٹ ایف سی نے ائرپورٹ پراستقبال کیا
-
وفاقی وزیرداخلہ محسن نقوی نے خیبرپختونخوا کے وزیراعلیٰ علی امین گنڈاپور سے ملاقات
-
نادرا سے ڈیٹا چوری سکینڈل،8 افسران معطل ، درجن سے زائد کیخلاف کارروائی کا آغاز
-
پی ٹی آئی نے ججز کے خط کی تحقیقات کیلئے حکومت کے انکوائری کمیشن کو مسترد کردیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.