کوئی ثبوت نہیں کہ حملہ آور کسی منظم جہادی گروپ کا حصہ تھے، کیلیفورنیا میں 14 افراد کے قتل کے مجرم جوڑے نے
سماجی رابطوں کی ،ویب سائٹس پر کھلے عام جہاد کی حمایت کا اظہار نہیں کیا تھا‘ایف بی آئی
عمر جمشید جمعرات 17 دسمبر 2015 15:34
نیویارک(اُردو پوائنٹ تازہ ترین ۔۔ آئی پی اے ۔۔17 دسمبر۔2015ء) امریکہ کے وفاقی تحقیقاتی ادارے ایف بی آئی نے کہا ہے کہ کیلیفورنیا میں 14 افراد کے قتل کے مجرم جوڑے نے سماجی رابطوں کی ویب سائٹس پر کھلے عام جہاد کی حمایت کا اظہار نہیں کیا تھا۔ایف بی آئی کے سربراہ جیمز کومی نے اس سلسلے میں ماضی میں سامنے آنے والی خبروں کو مسترد کیا ہے۔ان کا کہنا ہے کہ رضوان فاروق اور ان کی اہلیہ تاشفین ملک نے کھلے عام نہیں بلکہ براہ راست نجی پیغاموں کے ذریعے شہادت کی حمایت کا اظہار کیا تھا۔
تاشفین نے رضوان فاروق کے ہمراہ سان برنارڈینو کے علاقے میں ایک تقریب کے دوران فائرنگ کر کے 14 افراد کو ہلاک کر دیا تھا۔یہ دونوں حملے کے کچھ گھنٹے بعد پولیس سے فائرنگ کے تبادلے میں مارے گئے تھے۔(جاری ہے)
نیویارک میں صحافیوں سے بات چیت کرتے ہوئے جیمز کومی نے یہ بھی کہا کہ اس بات کا اب تک کوئی ثبوت سامنے نہیں آیا ہے کہ حملہ آور کسی منظم جہادی گروپ کا حصہ تھے۔
تاہم انھوں نے بتایا کہ تاشفین کی امریکہ آمد سے قبل وہ اور رضوان جہاد کی حمایت کا اظہار کر چکے تھے۔جیمز کومی نے یہ بھی کہا کہ شدت پسند تنظیم دولت اسلامیہ کے جنگجو سوشل میڈیا کے استعمال سے لوگوں کو حملے کرنے کے لیے متاثر کر رہے ہیں جس کی وجہ سے سکیورٹی تنظیمیں ایک نئے قسم کے چیلنج کا سامنا کر رہی ہیں۔حال ہی میں امریکی سکیورٹی اہلکاروں پر تنقید کی گئی تھی کہ انھوں نے حملہ آور تاشفین ملک کے سوشل میڈیا اکاوٴنٹ کا جائزہ لیے بغیر انھیں 2014 میں امریکہ میں داخل ہونے دیا تھا۔تاشفین ملک منگیتر کے ویزے کے ذریعے سعودی عرب سے امریکہ آئی تھیں۔نیویارک سے امریکی سینیٹ کے رکن چک شومر نے کہا ہے اگر سکیورٹی اہلکاروں نے تاشفین ملک کے بارے میں چھان بین کی ہوتی تو شاید آج سان برنارڈینو میں وہ لوگ بھی زندہ ہوتے۔اس واقعے کے بعد ملک بھر میں یہ بحث چھڑ گئی ہے کہ لوگوں کے پس منظر کا جائزہ لینے کے سلسلے میں سکیورٹی اہلکار کس قسم کی حدود کا سامنا کرتے ہیں اور ان سے کیسے نمٹا جائے۔متعلقہ عنوان :
مزید بین الاقوامی خبریں
-
سعودی عرب میں زبردست بارشوں کی پیشن گوئی
-
اذان میں تبدیلی سے متعلق شارجہ انتظامیہ نے وضاحت کر دی
-
بھارت، کرپشن میں ملوث سیاسی رہنما کی تصویر نے تہلکہ مچا دیا
-
اروند کیجریوال کی گرفتاری پر تشویش کااظہار، بھارت کا امریکی و جرمن سفارت کاروں کو طلب کرکے اعتراض
-
اوباما بائیڈن کے ٹرمپ کے ہاتھوں ہارنے سے بہت خوفزدہ
-
افغانستان، خواتین کو کھلے میدان میں سنگسار کرنے کا اعلان
-
میرے پاس الیکشن لڑنے کیلئے پیسے نہیں ہیں، بھارتی وزیر خزانہ
-
روس نیٹوممالک یا یورپ پر حملہ نہیں کرے گا، پیوٹن نے واضح کردیا
-
اسرائیل نے سفید پرچم اٹھانے والے 2 فلسطینیوں کو بھی قتل کر دیا
-
سعودی عرب کی 800 ہیکٹر فلسطینی اراضی پراسرائیلی قبضے کی مذمت
-
عرب اونٹ فیڈریشن کا العلا میں اپنی پہلی چیمپئن شپ کا اعلان
-
مسجد حرام میں زائرین کے لیے روبوٹ گائیڈ سسٹم فعال
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.