معروف اداکار کمال احمد رضوی 85 سال کی عمر میں کراچی میں انتقال کر گئے
صدر‘وزیراعظم ، وزیراعلیٰ سندھ ‘ اداکاروں و پروڈیوسرز سمیت دیگر کا رضوی کی وفات پر اظہار افسوس
جمعرات 17 دسمبر 2015 22:55
کراچی(اُردو پوائنٹ اخبارتازہ ترین - آئی این پی۔17 دسمبر۔2015ء ) پاکستان کے معروف اداکار کمال احمد رضوی 85 سال کی عمر میں انتقال کر گئے‘ ’’آپ کا مخلص،صاحب بی بی اور غلام اور مسٹر شیطان ‘‘ میں یادگار کردار ادا کئے‘ڈرامہ سیریل ‘‘الف نون‘‘ سے ملک گیر شہرت حاصل کی‘تصنیف و تالیف کے پیشے سے منسلک رہے ‘متعدد انگریزی کتابوں کا اردو میں ترجمہ کیا‘بچوں کے رسالے تعلیم و تربیت کی ادارت کی‘کچھ عرصہ سے علیل تھے‘دل کا دورہ وفات کی وجہ بنا‘صدر،وزیراعظم ، وزیراعلیٰ سندھ اور دیگر کا کمال احمد رضوی کے انتقال پر اظہار افسوس کیا ہے۔
تفصیلات کے مطابق مشہورٹی وی ڈرامہ الف نون سے شہرت حاصل کرنے والے معروف اداکار اور ڈرامہ نگارکمال احمد رضوی انتقال کر گئے۔(جاری ہے)
ان کی عمر 85سال تھی اور وہ کافی عرصہ سے علیل تھے۔ان کو سانس لینے میں کافی مشکلات پیش آرہی تھیں اور وہ کلفٹن کے ہسپتال میں داخل تھے۔ تاہم دل کا دورہ ان کی وفات کا باعث بنا۔کمال احمد رضوی یکم مئی 1930 کو بہار، بھارت کے ایک قصبے ‘‘گیا‘‘ میں پیداہوئے۔
1951 میں پاکستان آگئے کچھ عرصہ کراچی میں رہے پھرلاہورمنتقل ہوگئے اور تصنیف و تالیف کے پیشے سے منسلک ہوئے۔ متعدد انگریزی کتابوں کو اردو میں منتقل کیا۔ بچوں کے رسالے تعلیم و تربیت کی ادارت کی۔1958 میں تھیٹر کا کیرئرشروع کیا۔ 1965 میں لاہورٹی وی کے قیام کے بعد پہلی دفعہ الف نون شروع کیا جس میں انہوں نے خود الّن کا اوررفیع خاورنے ننھے کا کردار ادا کیا۔ الف نون پی ٹی وی کا مقبول ترین پروگرام تھا جو مختلف ادوار میں چارمرتبہ ٹیلی کاسٹ کیا گیا۔ الف نون کی مقبولیت کا یہ عالم تھا کہ لوگ ایک ہفتے تک انتظار کرتے تھے اور سب کام چھوڑکرالف نون دیکھا کرتے تھے۔ کمال احمد رضوی کے دیگر مشہور ٹی وی سیریز میں آپ کا مخلص،صاحب بی بی اور غلام اور مسٹر شیطان کے نام سر فہرست ہیں۔ ان کی وفات پر وزیراعظم نواز شریف، وزیراعلیٰ سندھ قائم علی شاہ اور دیگر نے اظہار افسوس کیا ہےمزید فن و فنکار کی خبریں
-
آئٹم سانگ نہ ہو پھربھی فلموں میں کام نہیں کروں گی، فاطمہ آفندی
-
اکشے کمار اور ارشد وارثی کی کامیڈی فلم ’’جولی ایل ایل بی 3‘‘ کی شوٹنگ شروع
-
شو میں شرکت کی آفر ٹھکرانے پر آفتاب اقبال نے کمرہ میں لاک کر دیا،شفاعت علی
-
احمد علی بٹ کی سیریز 'ہیرامنڈی: دی ڈائمنڈ بازار' پر سخت تنقید
-
نسیم شاہ کو بولر کا ہیش ٹیگ دوں گی، بھارتی ماڈل اروشی روٹیلا
-
شاہ رخ خان نے اپنی نئی فلم کی شوٹنگ کی تفصیلات شیئرکردیں
-
ہیرا منڈی سیریزپرپاکستان سے ڈھیروں پیارملا ہے: سنجے لیلا بھنسالی
-
معروف کامیڈین بھارتی سنگھ اچانک ہسپتال داخل
-
عاطف اسلم ملیالم فلموں میں انٹری دینے کیلئے تیار،ملیالم فلم انڈسٹری کے معروف اداکار شین نگم کی تصدیق
-
دومرتبہ آسکرایوارڈ یافتہ ہالی ووڈ اداکارکوجنسی ہراسانی کے ایک اورالزام کا سامنا
-
شاہ رخ خان کا اپنی نئی فلم کی شوٹنگ جون میں شروع کرنے کااعلان
-
یکطرفہ محبت خوبصورت ہے اور سکون دیتی ہے،خوشحال خان
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.