سری لنکا نے ابتدائی جھٹکوں کے بعد نیوزی لینڈ کے خلاف دوسرے ٹیسٹ میچ میں پوزیشن بہتر کر لی
پہلے روز پہلی اننگز میں 7وکٹوں کے نقصان پر 264 رنز بنا لئے
جمعہ 18 دسمبر 2015 17:39
ہملٹن (اُردو پوائنٹ اخبارتازہ ترین - این این آئی۔18 دسمبر۔2015ء) سری لنکا نے ابتدائی جھٹکوں کے بعد نیوزی لینڈ کے خلاف دوسرے ٹیسٹ میچ میں اپنی پوزیشن بہتر کر لی ہے اور پہلے روز پہلی اننگز میں 7وکٹوں کے نقصان پر 264 رنز بنا لئے۔ ملندا سری وردنے 62 رنز بناکر آؤٹ ہوئے۔ کپتان اینجلو میتھیوز 63 رنز کے ساتھ وکٹ پر موجود ہیں۔ ٹرینٹ بولٹ اور ٹم ساؤدی نے دو، دو وکٹیں حاصل کیں۔
جمعہ کو سیڈن پارک، ہیملٹن شروع ہونے والے سیریز کے دوسرے ٹیسٹ میچ میں نیوزی لینڈ کے کپتان برینڈن میک کلم نے ٹاس جیت کر پہلے فیلڈنگ کا فیصلہ کیا۔ دیمتھ کرونا رتنے اور کوشال مینڈس نے 39 رنز کا آغاز فراہم کیا، دیمتھ کرونا رتنے 12 رنز بناکر ٹم ساؤدی کی گیند پر بی جے واٹلنگ کے ہاتھوں کیچ آؤٹ ہوگئے۔(جاری ہے)
اگلے ہی اوور میں ٹم ساؤدی نے کوشال مینڈس کو 31 کے انفرادی سکور پر بی جے واٹلنگ کے ہاتھوں کیچ آؤٹ کرا دیا۔
اس کے بعد ادرا جائے سندرا اور دنیش چندیمل نے سکور کو بڑھانا شروع کیا اور 115 تک لے گئے، جائے سندرا 26 رنز بناکر رن آؤٹ ہوگئے۔ 121 کے مجموعی سکور پر سری لنکا کی چوتھی وکٹ گر گئی جب دنیش چندیمل 47 رنز بناکر ڈگ بریسویل کا نشانہ بن گئے۔ ملندا سری وردنے 62 رنز کی اننگز کھیلنے کے بعد ٹرینٹ بولٹ کی گیند پر روس ٹیلر کے ہاتھوں کیچ آؤٹ ہوگئے، اسی اوور میں ٹرینٹ بولٹ نے کتھروان وتھنگے کو صفر پر پویلین واپس بھیج کر سری لنکا کی مشکلات میں اضافہ کر دیا۔ رنگنا ہیراتھ بھی زیادہ دیر وکٹ پر نہ ٹھہر سکے اور 4 رنز بناکر رن آؤٹ ہوگئے۔ اس طرح سری لنکا نے پہلے روز کھیل کے اختتام تک 7 وکٹوں کے نقصان پر 264 رنز بنا لئے۔ اینجلو میتھیوز 63 اور دشمانتھا چمیرا صفر پر ناٹ آؤٹ ہیں۔ ٹرینٹ بولٹ اور ٹم ساؤدی نے دو، دو جبکہ ڈگ بریسویل نے ایک وکٹ حاصل کی۔مزید کھیلوں کی خبریں
-
سیالکوٹ،چیلنج کپ 2024 میں سیالکوٹ سمبڑیال نے ٹاپ پوزیشن حاصل کر لی
-
23 ویں ایشین جونیئر ٹین پن باؤلنگ چیمپئن شپ کے لئے پانچ رکنی قومی ٹیم کا اعلا
-
عامر آج ڈبلن میں ٹیم جوائن کرنے کے باوجود آئرلینڈ کیخلاف پہلا ٹی ٹونٹی نہیں کھیل سکیں گے
-
سلطان اذلان شاہ کپ جیتنے پر پاکستان ہاکی ٹیم کیلئے انعام کا اعلان
-
شاہد آفریدی نے پاکستان ٹی ٹونٹی سکواڈ سے دو آل راؤنڈرز کے اخراج پر سوال اٹھایا
-
چیمپئنز ٹرافی 2025ء، بھارتی ٹیم کی پاکستان آمد بارے فیصلہ عام انتخابات کے بعد ہوگا، بھارتی میڈیا کا دعویٰ
-
اذلان شاہ ہاکی ٹورنامنٹ،پاکستان اور جاپان (کل)فائنل میں مدمقابل آئیں گے
-
کولکتہ نائٹ رائیڈرز اور ممبئی انڈینز کے مابین انڈین پریمیئر لیگ کاواحد میچ کل کھیلا جائے گا
-
حکومت کرکٹ کی طرح ہاکی کو بھی سپورٹ کرے، کپتان قومی ہاکی ٹیم
-
پاکستان اور بھارت کے سابق کرکٹرز ایک بار پھر آمنے سامنے آنے کو تیار
-
آئرلینڈ کیخلاف ٹی 20 سیریز کیلئے محمد عامر ڈبلن پہنچ گئے
-
سری لنکا نے ٹی ٹونٹی ورلڈ کپ 2024ء کے لیے سکواڈ کا اعلان کر دیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.