کراچی، ربیع الاول کا پیغام ہے انسانوں کو بندوں کی غلامی سے نکال کر اﷲ ورسول ؐ کی غلامی میں لایا جائے، اسلامی تحریک طلبہ
جمعہ 18 دسمبر 2015 18:46
کراچی (اُردو پوائنٹ اخبارتازہ ترین - این این آئی۔18 دسمبر۔2015ء ) نبی اکرم ﷺ تمام جہانوں کیلئے رحمت بن کر آئے انسانیت کو انسانیت کے مقام سے روشناس کروانے کیلئے نبی ٔ آخرالزماں ﷺ نے شب وراز ایک کردئیے ،ذکر نبی ﷺکے ساتھ فکر نبی ﷺ کو زندہ کرنے سے ہی عشق رسول ﷺ کا دعویٰ سچا ہو سکتا ہے ،فکر نبی ﷺ اﷲ کی زمین پر اﷲ کا نظام خلافت قائم کرنا ہے تاکہ انسانیت کو امن وسکون میسر آسکے بے گناہ انسانوں کو قتل کرنے سے فکر نبی ؐ زندہ نہیں ہوسکتی ، اسلامی تحریک طلبہ پاکستان کے چیئرمین غلام عباس صدیقی نے پیغام مصطفی ﷺ مہم کے تحت نجی تعلیمی ادارے میں طلبہ سے خطاب کرتے ہوئے کہا کہ ربیع الاول کا مہینہ اخوت وبھائی چارے ،وحدت کا درس دیتا ہے نبی ٔ اکرم ﷺ کی حیات مبارکہ کے ہر پہلو کا تذکرہ کرنا باعث ثواب ونجات ہے ،دنیا کو عالمی سطح پر امن قائم کرنے کیلئے سیرت رسول عربی ﷺ سے سبق حاصل کرنا ہوگا مسلمان حکمران سیرت رسول ؐ کو اپنے لئے عملی نمونہ بنائیں انہوں نے کہا کہ جب نبی ٔاکرم ؐ اس دنیا میں تشریف لائے تو بندوں نے بندوں کو اپنا غلام بنا رکھا تھاہر طرف انسان ساختہ نظاموں کی جہالت کا دور تھا اﷲ کے پیغمبرؐ نے انسانوں کو انسانوں کی غلامی سے نکال کر ایک اﷲ کا غلام بنانے کیلئے اﷲ کی زمین پر اﷲ کا نظام خلافت قائم کیا تو بندوں کو بندوں کی غلامی سے نجات مل گئی ،انسانیت کو تمام حقوق ان کے گھروں کی دہلیز پر ملے ،اسلامی تحریک طلبہ کے سربراہ نے کہا کہ نبی مکرم ؐ کی سب سے بڑی سنت اﷲ کی زمین پر اﷲ کا نظام قائم کرنا ہے جسے مسلمان ترک کرچکے ہیں جس کے باعث مسائل کا شکار ہیں انہوں نے کہا کہ امت مسلمہ مرحومہ کو وحدت میں لاکر ترقی کی شاہراہ پر گامزن کرنے کیلئے اسلای نظام کے قیام کی جدوجہد کرنا ہوگی تاکہ کوئی فتنہ پرور زمین پر اسلام کا نام لے کرفتنہ نہ پھیلا سکے،اسلامی تحریک طلبہ نوجوانوں کو سیرت روسل عربیؐ کے مطالعہ کے بعد اس پر عمل پیرا ہونے کی اپیل کر رہی ہے حضور ﷺ کی ودلادت کا مہینہ مسلمانوں کو پیغام دے رہا ہے کہ انسانوں کو انسانوں کی غلامی سے نکال کر ایک اﷲ ورسول ؐ کی غلامی میں لایا جائے۔
متعلقہ عنوان :
مزید قومی خبریں
-
آپریشن ضرب عضب اور رد الفساد کے ذریعے دہشت گردی کو جڑ سے اکھاڑا گیا، وفاقی حکومت دہشت گردی کے خاتمہ کیلئے صوبوں کے ساتھ مکمل تعاون کررہی ہے، وفاقی وزیراطلاعات عطااللہ تارڑکا قومی اسمبلی میں توجہ ..
-
عدالتی معاملات میں کسی کی مداخلت قابل قبول نہیں، چیف جسٹس قاضی فائز عیسیٰ
-
گورنر سندھ کی جرمن قونصلیٹ میں "کراس آف دی آرڈر آف میرٹ آف جرمنی بارے منعقدہ تقریب میں شرکت
-
خاوند نے بیوی کا گلا کاٹ دیا، مارٹ مالک نے نوکر کو گولی مار دی
-
ہائیکورٹ نے فرح شہزادی کے بچوں کو بیرون ملک جانے کے اجازت دے دی
-
جمہوریت کی بقاء کے لئے ایوان پر بھاری ذمہ داری عائد ہوتی ہے، سینیٹرفیصل واوڈا
-
وزیر اعلی بلوچستان میر سرفراز بگٹی نے مزدور پیشہ افراد کے چار سو بچوں کو ملک کے اعلی تعلیمی اداروں میں بھیجنے کا اعلان کر دیا
-
حکومت ملیریا کی روک تھام اور خاتمے کے لئے مناسب اقدامات اٹھا رہی ہے ، وزیراعظم
-
سولر پینلز کی بے تحاشا انسٹالیشن ، حکومت نے نیٹ میٹرنگ نرخ گرانے کی تیاری کرلی
-
طلباء کو موٹر سائیکل فراہم کرنے کی سکیم، 20ہزار بائیکس کیلئے 1 لاکھ طلبا ء نے رجسٹریشن کروالی
-
ٹرین میں تاریں کاٹ کر تانبہ چوری کرنے والا شخص پکڑا گیا
-
مسلم لیگ (ن) کا دفتر جلانے کا کیس، یاسمین راشد ، اعجاز چودھری ، صنم جاویدو دیگر فرد جرم کیلئے طلب
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.