موجودہ ون ڈے ، ٹی ٹونٹی ٹیم میں کوئی میچ ونر موجود نہیں ،عاقب جاوید
جمعہ 18 دسمبر 2015 20:26
کراچی (اُردو پوائنٹ اخبارتازہ ترین - آن لائن۔18 دسمبر۔2015ء)پاکستان کرکٹ ٹیم کے سابق فاسٹ باوٴلر عاقب جاوید نے انگلینڈ کے خلاف مختصر طرز کرکٹ میں قومی ٹیم کی سیریز میں شکست کی وجہ انتظامیہ کی حکمت عملی کو قرار دیتے ہوئے کہنا تھا کہ ٹیم میں سوائے دو کھلاڑیوں کے کوئی میچ ونر نہیں اور سیریز میں باوٴلنگ کا کمبی نیشن بھی ٹھیک نہیں تھا۔ اپنے انٹرویو میں عاقب جاوید کا کہنا تھا کہ پاکستان ٹیم میں کئی ناتجربہ کار کھلاڑی ہیں، ٹیسٹ ٹیم مصباح الحق اور یونس خان کے گرد گھومتی ہے اور مجھے ون ڈے ٹیم میں ان جیسے کھلاڑی نظر نہیں آتے جو ون ڈے اور ٹی ٹوئنٹی میں بیٹنگ کی ذمہ داری لے سکیں اور ٹیم کو جتوا دیں۔
عاقب جاوید کا کہنا تھا کہ مختصر طرز کی کرکٹ ٹیم کے اکثر کھلاڑی ٹیم میں اپنی جگہ بنانے کے لیے کوشاں ہیں، بلے بازوں میں محمد حفیظ میچ ونر کی کیٹگری میں شامل ہوئے ہیں اور شعیب ملک نے کچھ کارکردگی دکھائی ہے لیکن ان دونوں کے سوا مجھے کوئی حقیقی میچ ونر نظر نہیں آرہا۔(جاری ہے)
ان کا کہنا تھا کہ ٹیم میں حقیقی میچ ونر کھلاڑیوں کے آنے میں کچھ وقت لگے گا۔
عاقب نے ٹیم سلیکٹر اور انتظامیہ کو مشورہ دیا کہ وہ اس ٹیم کو موقع دیں اوران کھلاڑیوں کو مضبوط ہونے کی اجازت دیں کیونکہ جب کھلاڑیوں کو پتہ ہوگا کہ ان کو ٹیم سے باہر نہیں کیا جائے گا تو مضبوط ٹیم بنائی جا سکتی ہے اگر ایک کھلاڑی ٹیم سے باہر ہونے کے دباوٴ میں کھیل رہا ہو تو وہ اچھی کارکردگی نہیں دکھا سکتا۔انھوں نے کہا کہ ہمارے پاس کچھ اچھے باوٴلرز اور بابر اعظم کی شکل میں ایک اچھا بلے باز ہے، ان سب کی صحیح سمت میں رہنمائی کی ضرورت ہے، انھیں اے ٹیم کے دوروں میں مصروف رکھنے کی ضرورت ہے۔پاکستان اور انگلینڈ کے درمیان ہونے والی حالیہ سیریز کے حوالے سے بات کرتے ہوئے انھوں نے کہا کہ پاکستان ٹیم انتظامیہ کو حکمت عملی پر غور کرنے کی ضرورت ہے۔ان کا کہنا تھا کہ میرا ماننا ہے کہ پاکستانی تھنک ٹینک انگلینڈ کے خلاف مختصر طرز کی کرکٹ میں غلط تھا، حریف کی خامیوں کے مطابق حکمت عملی ترتیب دی جاتی ہے، اگر باوٴلنگ کا کمبی نیشن صحیح بنایا جاتا تو انگلینڈ کسی صورت پاکستان کو سیریز میں نہیں ہرا سکتا تھا۔عاقب جاوید ان دنوں متحدہ عرب امارات کی کرکٹ ٹیم کے کوچ کی حیثیت سے فرائض انجام دے رہے ہیں۔عاقب جاوید نے عمرگل اور جنید خان کی ٹیم میں واپسی کے حوالے سے کہنا تھا کہ عمر گل نے قومی ٹیم میں جگہ بنانے کے دو مواقع ضائع کئے ہیں اور یہی کچھ جنید خان کے حوالے سے بھی کہا جا سکتا ہے۔پاکستان سپر لیگ (پی ایس ایل) میں کوچنگ کے حوالے انھوں نے کہا کہ دو ٹیموں کی جانب سے پیشکش ہوئی لیکن متحدہ عرب امارات کی ٹیم اسی دوران نیدرلینڈ کے خلاف سیریز کھیلے گی اس لیے دستیاب نہیں تاہم انہوں نے پی ایس ایل کی کامیابی کے ساتھ ساتھ ٹیموں اور انتظامیہ کے لیے اپنی نیک خواہشات کا اظہار کیا ۔مزید کھیلوں کی خبریں
-
ورلڈ اوپن اسکواش،پاکستان کے حمزہ خان مین ڈراز میں شامل
-
نیشنل ویمن فٹ بال چیمپئن شپ ملتوی
-
اولمپیئن جیولن تھرور ارشد ندیم نے ساؤتھ افریقا میں ٹریننگ کا آغاز کر دیا
-
شاہین آفریدی کو بطور کپتان تھوڑا وقت دینا چاہیے تھا،جاوید میانداد
-
پاکستان اورسری لنکا کے درمیان روایتی جے وردھنے ٹرافی مہمان ٹیم کے نام
-
پاکستا ن اور نیوزی لینڈ کے درمیان پانچ میچوں پر مشتمل ٹی ٹوئنٹی سریز کا دوسرا میچ (کل) کھیلا جائیگا
-
ورلڈ چیمپئن شپ آف لیجنڈز میں پاک۔ بھارت میچ کے ٹکٹ ہاتھوں ہاتھ فروخت
-
ہولگر رونے اور الیگزینڈر زویروف نے بی ایم ڈبلیو ٹینس چیمپئن شپ کے کوارٹر فائنل میں جگہ بنا لی
-
انڈین پریمیئر لیگ میں واحد میچ دہلی کیپٹلز اورسن رائزرز حیدرآباد کی ٹیموں کے مابین کل کھیلا جائے گا
-
آئی پی ایل کے دوران سٹیڈیم میں بکیز پکڑے گئے
-
سابق کرکٹرز کی پاکستان کی جانب سے عماد وسیم کو بینچ پر بٹھانے کے فیصلے پر تنقید
-
نیوزی لینڈ کیخلاف دوسرے ٹی ٹونٹی کیلئے پاکستان کی ممکنہ پلیئنگ الیون سامنے آگئی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.