پاکستان سپر لیگ ، پلاٹینیم کیٹگری میں کھلاڑیوں کے انتخاب کا عمل مکمل ہوگیا

پیر 21 دسمبر 2015 12:20

لاہور (اردو پوا ئنٹ تازہ ترین اخبار21دسمبر- 2015ء) پاکستان سپرلیگ کے لئے کھلاڑیوں کے انتخاب کا سلسلہ جاری ہے اور پلاٹینیم کیٹگری میں کھلاڑیوں کی بولی کا عمل مکمل کرلیا گیا ہے ۔ پی ایس ایل کی 5 ٹیموں کے لئے کھلاڑیوں کی بولی کے لئے لاہور میں تقریب جاری ہے جس میں چیئرمین پی سی بی شہریار خان ، قومی ٹیم کے سابق کپتان وسیم اکرم ، جاوید میانداد ، معین خان ، سابق آسٹریلوی کرکٹر ڈین جونز اور ٹیم کے موجود اور سابق کھلاڑی موجود ہیں جبکہ کھلاڑیوں کی بولی کا عمل جاری ہے۔

(جاری ہے)

آئی کون کیٹیگری کی بولی میں پشاور زلمے کی جانب سے سب سے پہلے شاہد آفریدی کی بولی لگائی گئی جس کے بعد کراچی کنگز نے شعیب ملک ، اسلام آباد یونائیٹیڈ نے شین واٹسن ، کوئٹہ گلیڈیئٹرز نے کیون پیٹریسن اور لاہور قلندر نے کرس گیل کا انتخاب کیا ۔ پلاٹینئم کیٹیگری کے لئے اب تک کوئٹہ گلیڈیئٹر نے احمد شہزاد اور سرفراز احمد کا انتخاب کیا ، لاہور قلندر نے عمراکمل اورڈوین براوو ، اسلام آباد یونائیٹڈ نے مصباح الحق اور آندرے رسل ، پشاور زلمے نے وہاب ریاض ، ڈیرن سیمی اور کراچی کنگز نے شکیب الحسن اور سہیل تنویر کا انتخاب کیا ۔

Facebook Twitter Google + Share on Whatsapp

پاکستان سپر لیگ ، پلاٹینیم کیٹگری میں کھلاڑیوں کے انتخاب کا عمل مکمل ہوگیا

مزید کھیلوں کی خبریں