پاکستان سپرلیگ کیلئے کھلاڑیوں کے انتخاب کا دوسرا مرحلہ ، یونس ، اجمل تاحال نہ بک سکے

منگل 22 دسمبر 2015 13:58

لاہور (اردو پوا ئنٹ تازہ ترین اخبار22دسمبر- 2015ء) پاکستان سپر لیگ کے لئے کھلاڑیوں کے انتخاب کا دوسرا مرحلہ جاری ہے جس میں فرنچائز سلور اور ایمرجنگ کیٹیگریز سے اپنی اپنی ٹیموں کے لئے کھلاڑی چن رہے ہیں۔ لاہور میں جاری تقریب کے دوران پی ایس ایل میں شامل 5 فرنچائز اپنی اپنی ٹیموں کے انتخاب کے لئے سلور اور ایمرجنگ کیٹیگریز سے کھلاڑی چن رہے ہیں اب تک سلور کیٹیگری سے اسلام آباد یونائٹیڈ نے بابراعظم، عمران خالد،کامران غلام اور عمرامین کا انتخاب کیا ہے ، کراچی کنگز نے افتخاراحمد، نعمان انور ، مشفق الرحیم ، اسامہ میر ، سہیل خان ، پشاورزلمے نے عامریامین ، ڈیوڈ میلن ، عمران خان ، شاہد یوسف ، عبدالرحمان ، کوئٹہ گلیڈیئٹر نے بلال آصف ، اسد شفیق ، محمد نواز ، سعد نسیم ، محمد نبی اور لاہورقلندرز نے ظفرگوہر ، حماد اعظم ، ضیاءالحق ، زوہیب خان اور قومی ون ڈے ٹیم کے کپتان اظہار علی کا انتخاب کیا ہے ۔

(جاری ہے)

اس سے قبل کھلاڑیوں کے چناؤ کے پہلے روز5 ٹیموں نے آئی کون کھلاڑیوں سمیت 3 کیٹیگریزپلائٹینئم، ڈائمنڈ اورگولڈن کیٹیگری میں 9،9 کھلاڑیوں کا انتخاب کیا۔ کھلاڑیوں کے چناؤ کے عمل کے دوران آئی کون کیٹیگری کی بولی میں پشاورزلمے کی جانب سے سب سے پہلے شاہد آفریدی کی بولی لگائی گئی جس کے بعد کراچی کنگزنے شعیب ملک، اسلام آباد یونائیٹیڈ نے شین واٹسن، کوئٹہ گلیڈیئٹرز نے کیون پیٹریسن اورلاہورقلندرزنے کرس گیل کا انتخاب کیا۔ پی ایس ایل کے لئے آئیکون کھلاڑیوں کو فی کس 2،2 لاکھ ڈالردیئے جائیں گے ۔

Facebook Twitter Google + Share on Whatsapp

پاکستان سپرلیگ کیلئے کھلاڑیوں کے انتخاب کا دوسرا مرحلہ ، یونس ، اجمل تاحال نہ بک سکے

مزید کھیلوں کی خبریں