اظہر علی کو عامر بارے میں گمراہ کیا گیا ،بورڈ کپتان کو اعتماد میں لے ،حفیظ کیمپ میں نہیں بھی آتا تو کوئی بات نہیں، محمد یوسف
جمعرات 24 دسمبر 2015 18:13
لاہور( اُردو پوائنٹ اخبارتازہ ترین - این این آئی۔24 دسمبر۔2015ء)قومی کرکٹ ٹیم کے سابق کپتان محمد یوسف نے کہا ہے کہ اظہر علی کو عامر کے بارے میں گمراہ کیا گیا ہے ، اظہر اور حفیظ کی کارکردگی کو اکٹھا بھی کر لیا جائے تو دونوں عامر کے مقابلے میں کارکردگی میں بہت پیچھے ہیں،جبکہ سکندر بخت نے کہا ہے کہ عامر کے حوالے سے اپنے موقف پر قائم ہوں لیکن یہ بھی کہنا چاہتا ہوں کہ قومی ٹیم اظہر علی اور محمد حفیظ کے گھر کی نہیں بلکہ پاکستان کی ٹیم ہے انہیں اس معاملے کو باہر اچھالنے کی بجائے بورڈ سے بات کرنی چاہیے تھی۔
محمد عامر کی قومی ٹیم کے فٹنس اور تربیتی کیمپ میں شرکت پر اظہر علی اور محمد حفیظ کے بائیکاٹ بارے گفتگو کرتے ہوئے محمد یوسف نے کہا کہ جب ایک شخص اپنے کئے کی سزا بھگت چکا ہے اور معافی بھی مانگ چکا ہے تو اس کے ساتھ اس طرح کا سلوک روا نہیں رکھنا چاہیے ۔(جاری ہے)
اظہر علی اچھا لڑکا ہے لیکن اسے گمراہ کیا گیا ہے ایسا کرنے والے ایک شخص کا نام تو سامنے آیا گیا ہے جبکہ دوسرا بھی جلد سامنے آ جائے گا ۔
انہوں نے کہا کہ پی سی بی اظہر علی کو آن بورڈ لے جبکہ محمد حفیظ اگر کیمپ میں نہیں بھی آتا تو کوئی بڑی بات نہیں ۔ انہوں نے کہا کہ محمد عامر کی شمولیت سے قومی ٹیم کو فائدہ ہو سکتا ہے اس کے آنے سے پاکستان کا بالنگ اٹیک مزید مضبوط ہو جائیگا۔ انہوں نے کہا کہ آئی سی سی اور پاکستان کرکٹ بورڈ محمد اسے اجازت دے چکا ہے پھر کسی کو اعتراض نہیں ہونا چاہیے۔ اظہر علی اور حفیظ دونوں اپنی کارکردگی کو اکٹھا بھی کر لیں تو ان کی کارکردگی عامر کے مقابلے میں کہیں کم ہے ۔ ویسے بھی بتایا جائے کس سے غلطیاں نہیں ہوئیں ۔ سابق کرکٹر سکندر بخت نے کہا کہ محمد عامر کو ٹیم میں شامل کرنے کے حوالے سے اپنے واضح موقف پر قائم ہوں لیکن اظہر علی اور محمد حفیظ کو کوئی حق نہیں پہنچتا کہ وہ اس معاملے کو باہر اچھالیں ، انہیں اس معاملے پر بورڈ سے بیٹھ کر بات کرنی چاہیے تھی ۔ اگرفرض کریں بورڈ دونوں پر پابندی لگا دیتا ہے اور باہر بٹھا دیتا ہے تو وہ کیا کر سکتے ہیں۔ انہوں نے کہا کہ قومی کرکٹ ٹیم اظہر علی اور محمد حفیظ کے گھر ، محلے یا کلب کی ٹیم نہیں بلکہ پاکستان کی ٹیم ہے ۔ انہوں نے کہا کہ محمد عامرکے اوپر لگا ہوا داغ ساری زندگی نہیں دھل سکتا اور یہ اس کا پیچھا کرے گا جب وہ گراؤنڈ میں ہوگا تو اس پر آوازیں لگائی جائیں گی ،ڈریسنگ روم کا ماحول بھی خراب ہوگا ۔انہوں نے کہا کہ اظہر علی کو اپنی کارکردگی کو دیکھنا چاہیے ، پاکستان سپر لیگ میں انہیں آخری مرحلے میں چنا گیا ہے ۔مزید کھیلوں کی خبریں
-
ٹینس اسٹار عشنا سہیل کو ویمن ٹینس میں خدمات پر تمغہ امتیاز سے نواز دیا گیا
-
سعودی عرب میں ہمیشہ محبت ملی، ریٹائرمنٹ کا کوئی اراد ہ نہیں ہے ، لیونل میسی
-
بنگلہ دیش اور سری لنکا کی کرکٹ ٹیموں کے درمیان دوسرا اورآخری ٹیسٹ میچ 30 مارچ سے شروع ہوگا
-
پاکستان نیوزی لینڈ ٹی ٹوئنٹی سیریزکی ٹکٹوں کی فروخت جمعہ سے شروع ہوگی۔
-
ٹینس اسٹارعشنا سہیل کو ویمن ٹینس میں خدمات پر تمغہ امتیاز سے نواز دیا گیا
-
پنجاب کنگزکی نمائندگی کرنے والے سابق انگلش کرکٹرروی بوپارا نے دلچسپ واقعہ شیئرکردیا
-
میامی اوپن ٹینس مینزڈبلز، روہن بھوپنا اورمیتھیو ایبڈن سیمی فائنل میں پہنچ گئے
-
پاکستان اورنیوزی لینڈ کی کرکٹ ٹیموں کے مابین ٹی ٹونٹی سیریزکی ٹکٹوں کی فروخت 29 مارچ سے شروع ہو گی، ترجمان
-
بھارتی انتخابات: کانگریس کا ثانیہ مرزا کو حیدر آباد سے ٹکٹ جاری کرنے پر غور
-
ایشیا اوشیانا ورلڈ جونیئر ٹینس انڈر14 کوالیفائرز میں پاکستان نے اوزبکستان کو شکست دے کر کوارٹر فائنل میں جگہ بنالی
-
کپتان کی تبدیلی کی افواہیں، بابر اعظم کی چیئرمین پی سی بی محسن نقوی سے ملاقات
-
ممبئی انڈینز کے نئے کپتان پانڈیا کو شائقین کی جانب سے شدید تنقید کا سامنا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.