پیپلز پارٹی کے چیئرمین بلاول بھٹو زرداری کی لیاری آمد، 8 ماہ کی بچی بسمہ کے انتقال پر تعزیت
ہفتہ 26 دسمبر 2015 22:00
کراچی (اُردو پوائنٹ اخبارتازہ ترین - این این آئی۔26 دسمبر۔2015ء ) پاکستان پیپلز پارٹی کے چیئرمین بلاول بھٹو زرداری نے ہفتہ کو لیاری جا کر 8 ماہ کی بچی بسمہ کے انتقال پر تعزیت کی ۔ واضح رہے کہ چار روز قبل بسمہ کو انتہائی تشویش ناک حالت میں اس کا والد سول اسپتال لے گیا تھا لیکن سول اسپتال میں ٹراما سینٹر کے افتتاح کے موقع پر بلاول بھٹو زرداری اور وزیر اعلیٰ سندھ کی آمد کی وجہ سے سخت سکیورٹی تھی اور سکیورٹی اہلکاروں نے بسمہ کے والد کو اسپتال نہیں جانے دیا اور بسمہ کا انتقال ہو گیا ۔
بلاول بھٹو زرداری لیاری بسمہ کے گھر پہنچے اور اس کے والد ، والدہ ، دادا ، دادی اور دیگر اہل خانہ سے تعزیت کی ۔ بلاول بھٹو زرداری نے غمزدہ خاندان کو بتایا کہ بسمہ کے انتقال کی خبر سن کر وہ سخت غم و غصے کا شکار ہوئے اور انہوں نے فوری طور پر اس واقعہ کی غیر جانبدارانہ اور شفاف تحقیقات کا حکم دیا ۔(جاری ہے)
بلاول بھٹو زرداری نے کہاکہ پاکستان کا ہر بچہ میرے بھائی اور بہنوں کی طرح ہے اور میں بسمہ کے والدین کے دکھ میں برابر کا شریک ہوں ۔
بلاول بھٹو نے غمزدہ خاندان کو یقین دہانی کرائی کہ واقعہ کی تحقیقاتی رپورٹ کو عام کیا جائے گا اور ذمہ داروں کے قانون کے مطابق سزا دی جائے گی ۔ بلاول ہاؤس کے جاری کردہ پریس ریلیز کے مطابق غمزدہ خاندان بلاول بھٹو زرداری کو اپنے درمیان دیکھ کر حیرت کا شکار ہو گیا اور کہا کہ وہ یہ محسوس کر رہے ہیں کہ جیسے شہید محترمہ بے نظیر بھٹو ان کے گھر آ گئی ہوں ۔ بسمہ کے اہل خانہ نے کہا کہ شہید بی بی کسی اطلاع کے بغیر اکثر لیاری کا دورہ کرتی تھیں اور ان کی لیاری کے عوام کے ساتھ گہری وابستگی تھی ۔ بسمہ کی دادی نے بلاول کو گلے لگایا ۔ بلاول بھٹو زرداری نے کہا کہ بسمہ کے خاندان کا خیال رکھا جائے گا ۔ ان کے ہمراہ جمیل سومرو اور دیگر بھی تھے ۔ بلاول بھٹو نے اتنی ہی گاڑیوں کے ساتھ لیاری کا دورہ کیا ، جتنی گاڑیوں کے ساتھ وہ ٹراما سینٹر گئے تھے لیکن کوئی ٹریفک جام نہیں ہوا ۔متعلقہ عنوان :
مزید قومی خبریں
-
اچھی تربیت اور تعلیم زندگی میں کامیابی کے لئے لازم و ملزوم ہیں،گورنر پنجاب
-
محمود خان اچکزئی کے وارنٹ گرفتاری جاری
-
علی امین گنڈا پور وفاق پر قبضہ کر کے انتشار پھیلانا چاہتے ہیں: سپیکر پنجاب اسمبلی
-
وزیراعلی خیبر پختوانخواہ کی اسلام آباد پر دھاوے کی دھمکی نہایت سنگین معاملہ ہی: سعد رفیق
-
وفاقی وزیرعطا تارڑنے اعجاز احمد حفیظ کو اپنا کوارڈینیٹر مقرر کردیا
-
کراچی کے تمام اضلاع میں بیک وقت تجاوزات کے خلاف مہم شروع کردی ہے ،بیرسٹر مرتضیٰ وہاب
-
ڈاکٹر طاہر القادری کامیاں زاہد اسلام کی والدہ کے انتقال پر افسوس کا اظہار
-
مشرق وسطی میں حالات مزید خراب ہوئے تو تیل مہنگا ہوسکتا ہے،ورلڈ بینک نے خبردار کر دیا
-
پنجاب میں ایئرایمبولینس سروس کے دائرہ کارکوبتدریج وسعت دی جائیگی‘ مریم نوازشریف
-
نیپرا کی ڈسکوز کے مارچ کے ماہانہ ایف سی اےکے حوالے سےعوامی سماعت مکمل
-
راولپنڈی پولیس کی جرائم پیشہ عناصر کے خلاف کارروائیاں،اشتہاریوں سمیت 12ملزمان گرفتار
-
بچوں کے قتل اورخودکشی کی کوشش میں سزا پانیوالی خاتون کا دماغی معائنہ کروانے کا حکم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.