برطانیہ برائے فروخت، قیمت صرف 80 کھرب پاؤنڈ

لندن(اُردو پوائنٹ اخبارتازہ ترین - آئی این پی۔27 دسمبر۔2015ء ) برطانوی ادارہ برائے شماریات کا تخمینہ ہے کہ اگر برطانیہ اور اس میں موجود تمام اشیا کو مارکیٹ میں فروخت کے لیے پیش کیا جائے تو اس سے جو رقم حاصل ہو گی، اس کی مالیت8 کھرب پاؤنڈز ہو گی یعنی 12 ہزار500 کھرب روپے۔ اس میں برطانیہ میں موجود تمام رہائشی عمارات، پل اور سڑکیں، مشینری کے علاوہ،، شیئرز اور بینکوں میں موجود عوامی رقم کی مالیت بھی شامل ہے۔

(جاری ہے)

اس وقت سعودی عرب میں دنیا کی بلند ترین عمارت جدہ ٹاورز زیر تعمیر ہے جس کی تعمیر پر کل 80 کروڑ25لاکھ پاؤنڈ خرچ آئے گا۔ برطانیہ کی فروخت کے بعد اس طرح کے9 ہزار 761 ٹاورز خریدے جا سکتے ہیں۔ دنیا کی سب سے مہنگی ترین پینٹنگ جو ڈچ آرٹسٹ پال گوگین کی ہے جس کی مالیت 20 کروڑ پاؤنڈ ہے۔ اس پینٹنگ کو 40ہزار بار خریدا جا سکتا ہے۔ اس خطیر رقم سے 3 کروڑ 66 لاکھ رولز رائس کاریں خریدی جا سکتی ہیں اور سب سے زیادہ دلچسپ سودا تو جب ہوگا جب اس رقم سے چاکلیٹ خریدی جائے۔ ایک چاکلیٹ بار کی قیمت 60 پنس ہے۔ اس حساب سے 13 ہزار کھرب بار خریدی جا سکتی ہیں۔