یاسر شاہ معصوم ہے ذمہ دار پی سی بی کا میڈیکل پینل ہے ڈاکٹر نعمان نیاز
پیر 28 دسمبر 2015 12:31
کراچی(اُردو پوائنٹ اخبارتازہ ترین - این این آئی۔28 دسمبر۔2015ء) پاکستان کرکٹ بورڈ(پی سی بی) کے سابق آفیشل اور معروف مبصر ڈاکٹر نعمان نیاز نے ڈوپ ٹیسٹ کے سبب معطلی کا شکار لیگ اسپنر یاسر شاہ کو معصوم گردانتے ہوئے ذمہ دار پی سی بی کے میڈیکل پینل کو قرار دیدیا گیا ۔ایک انٹرویو میں ڈاکٹر نعمان نیاز نے کہا کہ یاسر شاہ کے نمونے میں جس دوا کی موجودگی کا انکشاف ہوا ہے اس سے اندازہ ہوتا ہے کہ کھلاڑی بذات خود بالکل بے قصور ہے اور اس معاملے پر پاکستانی ٹیم کے میڈیکل پینل اور فزیو بریڈ رابنسن کو الٹا ٹانگ دینا چاہیے کیونکہ وہ ہی اس کے ذمے دار ہیں۔
انہوں نے کہا کہ یاسر کو پیشاب آور کلورو تھایو زائیڈ نامی دوائی دی گئی اور یہ ایسے وقت دی جاتی ہے جب کھلاڑی کو کوئی انجری لاحق ہو انجری کے باعث ہونے والے درد کو ختم کرنے کیلئے کھلاڑی کو ایسٹیرائیڈ(ممنوعہ ادویہ) لگا دی گئی اور پھر اس دوا کو جسم سے خارج کرنے کیلئے کلورو تھایو زائیڈ کا استعمال کیا گیا جو ان کے نمونے میں آ گئی۔(جاری ہے)
نعمان نیاز کے مطابق اگر اس طرح کی ادویہ کے استعمال کی اشد ضرورت ہو تو اس کیلئے پہلے واڈا اور متعلقہ حکام سے اجازت لینی ہوتی ہے۔
انہوں نے یاد دلایا کہ اس طرح کی دوائی شین وارن کو بھی لگائی گئی تھی اور ان کا ڈوپ ٹیسٹ مثبت آیا تھا جس کے باعث وہ ورلڈ کپ 2003 میں شرکت نہیں کر سکے تھے۔معروف مبصر کے مطابق یاسر اس سزا کے خلاف اپیل کر کے اپنا دوسرا نمونہ ٹیسٹ کرا سکتے ہیں لیکن یہ ٹیسٹ بھی مثبت آنے کی صورت میں انہیں دو سے چار سال پابندی کا سامنا کرنا پڑ سکتا ہے۔انہوں نے اسے بدترین نااہلی قرار دیتے ہوئے مطالبہ کیا کہ پر شعبے کیلئے ماہرین کی خدمات حاصل کی جائیں تاکہ مستقبل میں اس طرح کے مزید واقعات سے بچا جا سکے کیونکہ محض ڈپلوما کے حامل معمولی فزیو تھراپسٹ اپنی کارکردگی کو بہتر دکھانے کیلئے کھلاڑیوں کو اس طرح کی ادویہ دے کر ان کے کیریئر کر نقصان پہنچاتے ہیں۔ڈاکٹر نعمان نے کہا کہ یہ پابندی پاکستان کرکٹ بورڈ، میڈیکل پینل، ٹور مینجمنٹ اور فزیو تھراپسٹ بریڈ رابنسن کی نااہلی کو ظاہر کرتی ہے اور ٹیم ڈاکٹر اور فزیو کی انکوائری کی جانی چاہیے کہ انہوں نے کھلاڑی کو ممنوعہ ادویہ کیوں استعمال کرائی۔متعلقہ عنوان :
مزید کھیلوں کی خبریں
-
شادی اور ماں بننے کے بعد بورڈ کی سپورٹ سے کم بیک کامیاب ہوا،بسمہ معروف
-
پہلا ٹی20، بابراعظم، شاہین کی ایک دوسرے سے گلے ملنے کی ویڈیو وائرل
-
ورلڈ اوپن اسکواش،پاکستان کے حمزہ خان مین ڈراز میں شامل
-
نیشنل ویمن فٹ بال چیمپئن شپ ملتوی
-
اولمپیئن جیولن تھرور ارشد ندیم نے ساؤتھ افریقا میں ٹریننگ کا آغاز کر دیا
-
شاہین آفریدی کو بطور کپتان تھوڑا وقت دینا چاہیے تھا،جاوید میانداد
-
پاکستان اورسری لنکا کے درمیان روایتی جے وردھنے ٹرافی مہمان ٹیم کے نام
-
پاکستا ن اور نیوزی لینڈ کے درمیان پانچ میچوں پر مشتمل ٹی ٹوئنٹی سریز کا دوسرا میچ (کل) کھیلا جائیگا
-
ورلڈ چیمپئن شپ آف لیجنڈز میں پاک۔ بھارت میچ کے ٹکٹ ہاتھوں ہاتھ فروخت
-
ہولگر رونے اور الیگزینڈر زویروف نے بی ایم ڈبلیو ٹینس چیمپئن شپ کے کوارٹر فائنل میں جگہ بنا لی
-
انڈین پریمیئر لیگ میں واحد میچ دہلی کیپٹلز اورسن رائزرز حیدرآباد کی ٹیموں کے مابین کل کھیلا جائے گا
-
آئی پی ایل کے دوران سٹیڈیم میں بکیز پکڑے گئے
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.