یاسر پر تاحیات پابندی عائد کی جائے ، عبد القادر کا مطالبہ

پیر 28 دسمبر 2015 12:31

یاسر پر تاحیات پابندی عائد کی جائے ، عبد القادر کا مطالبہ

لاہور (اُردو پوائنٹ اخبارتازہ ترین - این این آئی۔28 دسمبر۔2015ء) عظیم لیگ سپنر اور گوگلی کے موجد عبدالقادر نے اگر یہ خبر درست ثابت ہوتی ہے تو یاسر پر تاحیات پابندی عائد کی جائے تاکہ پاکستان کرکٹ بورڈ آنے والی آنے والی نسلوں کیلئے مثال قائم کر سکے۔ایک انٹرویو میں انہوں نے کہا کہ اگر یہ ثابت ہوجاتا ہے تو کوئی سمجھوتہ کیے بغیر یاسر پر تاحیات پابندی عائد کی جائے، پاکستان کرکٹ بورڈ کو آنے والی نسلوں کیلئے مثال قائم کرنے کی اس سے بہتر موقع نہیں مل سکتا کہ وہ یاسر پر پابندی لگا کر انہیں نوجوانوں کیلئے مثال بنائیں۔

انہوں نے کہا کہ ماضی میں کی گئی غلطیوں کی وجہ سے ہم ابھی تک وسیم اکرم سے لے کر محمد عامر تک جدوجہد کر رہے ہیں، ماضی میں عطاالرحمان اور سلیم ملک جیسے کھلاڑیوں پر پابندی کردی گئی جبکہ دیگر قصور واروں کو مختلف عذر پیش کر کے چھوڑ دیا گیا۔

(جاری ہے)

انہوں نے کہا کہ اس معاملے میں صرف اور صرف یاسر شاہ کا قصور ہے اور ان پر تاحیات پابندی لگائی جائے ہمیں ملک میں کرکٹ کی بقا کیلئے آنے والی نسلوں کیلئے کچھ اصول اور قوانین بنانے ہوں گے اور بورڈ اس پر کوئی سمجھوتہ نہ کرے۔

سابق لیگ اسپنر نے قوم سے مطالبہ کیا کہ وہ سپاٹ فکسنگ میں ملوث محمد عامر، محمد آصف اور سلمان بٹ کو معاف کردیں کیونکہ وہ سزا کاٹ چکے ہیں جبکہ پاکستان کرکٹ بورڈ بھی دہرا معیار ختم کرتے ہوئے عامر کے ساتھ ساتھ آصف اور سلمان کو بھی پاکستان سپر لیگ میں نمائندگی کا موقع فراہم کرے۔

یاسر پر تاحیات پابندی عائد کی جائے ، عبد القادر کا مطالبہ