2013 کے مقابلے میں آج کا پاکستان بہت بہتر ہے، عالمی ادارے پاکستان کی معاشی بہتری کے معترف ہیں:اسحاق ڈار

پیر 28 دسمبر 2015 18:15

کراچی(اُردو پوائنٹ تازہ ترین ۔۔ آئی پی اے ۔۔28 دسمبر۔2015ء) وزیر خزانہ اسحاق ڈار نے کہا ہے کہ 2013 کے مقابلے میں آج کا پاکستان بہت بہتر ہے، عالمی ادارے پاکستان کی معاشی بہتری کے معترف ہیں، پاکستان میں معاشی سرگرمیوں کے لیے سہولت دے رہے ہیں۔

(جاری ہے)

39ویں ایف پی سی سی آئی ایکسپورٹ ایوارڈز کی تقریب سے خطاب کرتے ہوئے وزیر خزانہ اسحاق ڈار کا کہنا تھا کہ معیشت ، تعلیم ، توانائی اور انسداد دہشت گردی ہماری ترجیحات ہیں،کراچی سمیت ملک میں امن کیلئے وزیراعظم نواز شریف نے جرات مندانہ اقدامات کیے۔

وزیر خزانہ نے کہا کہ معاشی نظم و نسق بحال کرنا سب سے مشکل کام ہے ،گزشتہ 5 ماہ میں ٹیکس وصولی کی شرح میں 16 فیصد اضافہ ہوا، موثر پالیسیوں کے باعث معاشی نظم و ضبط قائم کیا۔انہوں نے کہا کہ کفایت شعاری کی پالیسی کا آغاز وزیر اعظم ہاؤس سے کیا گیا،انکم سپورٹ کا دائر 30 لاکھ خاندانوں تک بڑھایا جارہا ہے۔

متعلقہ عنوان :