مردان میں نادرا آفس کے قریب دھماکے میں 18افراد جاں بحق ، متعدد زخمی

علی چوہدری منگل 29 دسمبر 2015 14:53

مردان (اُردو پوائنٹ تازہ ترین اخبار. 29 دسمبر 2015 ء) مردان میں نادراآفس کے قریب دھماکے میں 18 افراد جاں بحق اورمتعددافرادزخمی ہو گئے ہیں۔زخمیوں کومختلف اسپتالوں میں منتقل کیاجارہاہے۔ دھماکے کے بعد علاقے میں خوف وہراس پایا جا رہا ہے۔ دھماکے کے بعد اسپتالوں میں ایمرجنسی نافذ کر دی گئی ہے جبکہ پولیس اور سیکورٹی اہلکار سمیت امدادی ٹیمیں بھی موقع پر پہنچ چکی ہیں جس کے بعد جائے وقوعہ پر امدادی کارروائیاں جاری ہیں۔

(جاری ہے)

پولیس کے مطابق دھماکے میں 42افراد زخمی ہوئے جن میں سے کئی افراد کی حالت تشویشناک ہے۔ دھماکے میں شدید زخمی ہونے والے افراد کو پشاور کے لیڈی ریڈنگ اسپتال منتقل کیا جا رہا ہے۔ سکیورٹی اداروں کے مطابق دھماکہ خودکش تھا، واقعہ کے وقت علاقہ میں شدید رش تھا، جس کے باعث ہلاکتوں میں مزید اضافے کا خدشہ ظاہر کیا جا ر ہا ہے ۔ دوسری جانب ڈی پی او مردان کا کہنا ہے کہ حملہ آور موٹر سائیکل پر سوار تھا جس نے موٹر سائیکل کو گیٹ سے ٹکرا دیا۔

Facebook Twitter Google + Share on Whatsapp

مردان میں نادرا آفس کے قریب دھماکے میں 18افراد جاں بحق ، متعدد زخمی

مزید اہم خبریں