کراچی، شہید بینظیر بھٹو کی برسی پر پیپلزپارٹی نے سوگ کی بجائے گانے بجاکر جشن منایا ،امیر بخش خان بھٹو
منگل 29 دسمبر 2015 17:19
کراچی(اُردو پوائنٹ اخبارتازہ ترین - این این آئی۔29 دسمبر۔2015ء) پاکستان مسلم لیگ ن کے رہنما اور وزیراعظم کے سابق مشیر نوابزادہ امیربخش خان بھٹو نے اپنے ایک بیان میں کہا کہ شہید محترمہ بینظیر بھٹو کی برسی کے موقع پر سوگ منانے کے بجائے پیپلوں نے گڑھی خدابخش بھٹو میں گانے بجاکر اور ناچ کرکے جشن منایا لگتا ہے کہ جیسے یہ کوئی خوشی کا سماں ہویہ حیران کن بات نہیں ہے کیونکہ محترمہ کی شہادت کی وجہ سے ایسے پیپلوں کی لاٹری لگ گئی جنہیں شہید محترمہ اپنے قریب آنے نہیں دیتی تھیں، انہوں نے بھٹو خاندان کے آبائی قبرستان کا تقدس پائمال کرکے میلے کا میدان بنادیا۔
انہوں نے مزید کہا کہ وفاقی حکومت کی جانب سے رینجرس کو دیئے گئے اختیارات پرپیپلوں کی سندھ حکومت منہ پھاڑ کر واویلا کررہی ہے اور اسے سندھ پر حملہ قرار دے چکی ہے۔(جاری ہے)
پہلی بات یہ ہے کہ اگر اپنے 8سالہ دؤر حکومت میں یہ سندھ پولیس کو صرف وزراء اور خوشامدیوں کے پروٹوکول میں استعمال کرکے وڈیروں کی پہرے داری کے کردار تک محدود نہ کردیتے تو رینجرس یا دیگر قوتوں کو حالات بہتر کرنے کے لیے بلانے کی ضرورت ہی پیش نہ آتی مگر پیپلوں نے پولیس سمیت تمام ریاستی ادارے تباہ و برباد کردیئے ہیں، دوسری جانب یہ ہے کہ رینجرس وفاقی حکومت کے احکامات پر اپنے فرائض سرانجام دے رہی ہے اور آئین و قانون کے مطابق کسی بھی صوبائی حکومت کو وفاق کے کام میں مداخلت کرنے کا کوئی بھی اختیار نہیں ہے، دوسری بات یہ ہے کہ دہشتگردی پر کنٹرول کرنے اور دہشتگردی کے سہولت کاروں کے خلاف کاروائی کرنا سندھ پر حملہ کیسے قرار دیا جاسکتا ہے؟ پیپلوں کی اپنی نااہلی اور کرپشن کی وجہ سے سندھ میں یہ حالات پیدا ہوگئے ہیں اور جب کوئی قانون نافذ کرنے والے ادارے پیپلوں کا پیدا کردہ گند صاف کررہے ہیں تو اس پر پیپلوں کو تکلیف محسوس ہوتی ہے۔
انہوں نے مزید کہا کہ رینجرس کے اختیارات محدود کرنے والی قرارداد سندھ میں جرائم پیشہ افراد کو تحفظ دے کر ملک میں بڑی پتھاری قائم کرنے کے برابر تھی۔ انہوں نے کہا کہ نیشنل ایکشن پلان کی تشکیل کے وقت ملک کی تمام پارٹیاں متفق تھیں اب جبکہ وہ اتفاق رائے سے بنا ہوا قانون انہیں گلے میں پڑچکا ہے اور قانون کا دائرہ تنگ ہوتا دیکھتے ہیں تو اب پیپلے رو رہے ہیں۔ انہوں نے مزید کہا کہ سندھ اسمبلی نے ماضی میں کئی مرتبہ کالاباغ ڈیم سمیت سندھ کے اہم مسائل پر وقت بہ وقت قراردادیں منظور کرتی رہی ہے جس سے خود پیپلز پارٹی کی وفاقی حکومتوں نے نظرانداز کیا ہے ان قراردادوں پر پیپلز پارٹی والے سندھ کی صوبائی خودمختیاری کے نعرے لگاکر کیوں بیدار نہیں ہوئے؟متعلقہ عنوان :
مزید اہم خبریں
-
سعودی عرب کے نائب وزیر دفاع جنرل طلال بن عبداللہ آل سعود کی پاک فوج کے سربراہ جنرل سید عاصم منیر سے ملاقات، دفاعی تعاون کو مزید فروغ دینے کے اقدامات پر تبادلہ خیال
-
وفاقی وزیر داخلہ محسن نقوی کی کراچی کے علاقے لانڈھی میں خودکش حملے کی مذمت
-
عدالتوں میں زیر سماعت مقدمات کو زیر بحث نہیں لایا جا سکتا،سپیکر قومی اسمبلی
-
لاہور ہائیکورٹ کا ڈپٹی ڈائریکٹر ماحولیات لاہور اور ڈپٹی ڈائریکٹر شیخوپورہ کو فوری تبدیل کرنے کا حکم
-
ورلڈ پریس فوٹو ایوارڈ: مردہ بچی کو تھامے فلسطینی خاتون کی تصویر کو
-
ٹوبہ ٹیک سنگھ ،باپ ،بھائی کے ہاتھوں قتل ہونے والی ماریہ کی ڈی این رپورٹ میں زیادتی کے شواہدنہیں ملے
-
پاکستان میں سال 2023 کے دوران موبائل فون صارفین کی تعداد میں 37 لاکھ کی ریکارڈ کمی
-
اینٹ کا جواب پتھر سے دیا جائیگا،دہشتگردوں سے مذاکرات نہیں ہونگے،اعظم نذیر تارڑ
-
رمضان شوگر مل ریفرنس کیس وزیراعظم شہبازشریف اور حمزہ شہبازکی حاضری سے معافی کی درخواست منظور
-
سپیکر پرلازم ہے کہ وہ آئین اور قانون کی پاسداری کریں،عمر ایوب
-
اقوام متحدہ میں فلسطین کی مکمل رکنیت کی قرارداد کو امریکہ نے ویٹو کر دیا
-
ایران پر اسرائیل کے حملے اور دھماکوں کے بعد پروازیں معطل
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.