وزیر اعظم کی جانب صنعتوں کے لیے بجلی کے نرخوں میں تین روپے فی یونٹ کمی کا اعلان قابل تحسین ہے،کاٹی
پورٹ قاسم میں بجلی کے نئے منصوبے کا آغاز خوش آئند ، ملک میں جاری دیگر توانائی منصوبے تکمیل تک پہنچنے سے توانائی بحران ختم ہونے کے بعد ملک صنعتی ترقی کی نئی منزلوں کی جانب گامزن ہوگا،ایس ایم منیر/ زاہد سعید
منگل 29 دسمبر 2015 21:38
کراچی(اُردو پوائنٹ اخبارتازہ ترین - آن لائن۔29 دسمبر۔2015ء ) کورنگی ایسوسی ایشن آف ٹریڈ اینڈ انڈسٹری(کاٹی) کے سرپرست اعلیٰ اور معروف صنعت کار و تاجر رہنما ایس ایم منیر اور کاٹی کے صدر زاہد سعید نے کہا ہے کہ وزیر اعظم کی جانب صنعتوں کے لیے بجلی کے نرخوں میں تین روپے فی یونٹ کمی کا اعلان قابل تحسین ہے۔ انہوں نے کہا کہ وزیر اعظم پاکستان میاں محمد نواز شریف نے حالیہ دورہٴ کراچی کے دوران ملک میں توانائی کے بحران کے خاتمے اور صنعتوں کو درپیش توانائی سے متعلق مسائل کو حل کرنے کے لیے جو روڈ میپ دیا ہے اگر اس پر عمل کیا گیا تو امید ہے کہ پاکستان میں صنعتوں کے مسائل حل ہوں گے۔
ان کا کہنا تھا کہ پورٹ قاسم میں بجلی کے نئے منصوبے کا آغاز خوش آئند ہے، علاوہ ازیں ملک میں جاری دیگر توانائی کے منصوبے تکمیل تک پہنچنے کے بعد ملک سے توانائی بحران ختم ہونے کے بعد ملک صنعتی ترقی کی نئی منزلوں کی جانب گامزن ہوگا۔(جاری ہے)
دونوں راہنماوٴں کا کہنا تھا کہ وزیر اعظم نے اپنے حالیہ دورے میں جس طرح امن و امان کے قیام اور توانائی بحران کے حل کے لیے اپنے پختہ عزم کا اظہار کیا ہے اس سے ملک کی تاجر برادری اور عوام کے حوصلے بڑھے ہیں۔
ان کا کہنا تھا کہ اس سے قبل وزیر اعظم نے گیس کی فراہمی میں ہونے والے تعطل اور موسم سرما کے باعث گھریلو اور صنعتی صارفین کو درپیش مسائل کومد نظر رکھتے ہوئے عوامی مفاد میں گیس نرخوں میں اضافے کو روک کر قابل تحسین اقدام کیا تھا۔ ان کا کہنا تھا کہ جس وقت گیس کے نرخوں میں اضافے کے خبریں آنا شروع ہوئی تھیں تو عوامی حلقوں کے ساتھ ساتھ تاجر وصنعت کار نمائندوں نے اس فیصلے کی مخالفت کی تھی ، میاں نوز شریف نے جس طرح عوامی مطالبات کو مد نظر رکھتے ہوئے یہ فیصلہ کیا ہے وہ قابل ستائش ہے۔ ان کا یہ بھی کہنا تھا کہ حکومت ملک میں صنعتی اور گھریلو صارفین کے مسائل کے حل کے لیے ضروری ہے کہ موجودہ حکومت کے دور میں توانائی کے جتنے بھی منصوبوں کا آغاز ہوا ہے انھیں پایہٴ تکمیل تک پہنچایا جائے۔ انہوں نے مزید کہا کہ رواں مالی سال کے ابتدائی حصے میں توانائی کے شعبے میں ہونے والی کثیر غیر ملکی سرمایہ کاری حوصلہ افزا ہے، ملک کی تاجر و صنعت کار برادری کی خواہش ہے کہ ملک میں توانائی کا بحران جلد از جلد ہو اور ملک میں نئے صنعتی انقلاب کا آغاز ہو جو دراصل قومی ترقی کی پہلی شرط ہے۔متعلقہ عنوان :
مزید اہم خبریں
-
مارکیٹ میں گندم کے نرخ 3 ہزار سے نیچے گر گئے
-
6 ججز کے خط پر اب تک اٹھائے جانیوالے اقدامات ناکافی، غیرمؤثر اور عدلیہ کے مستقبل کیلئے نہایت خطرناک ہیں
-
عام تعطیل کا اعلان
-
آسمانی بجلی اور طوفانی بارشوں نے تباہی مچا دی، متعدد افراد جاں بحق
-
وزیر اعظم نے کابینہ ڈویژن کے سرکاری کاغذات لیک ہونے کا نوٹس لے لیا
-
علی امین گنڈاپور کو چاہیے مستقل اڈیالہ جیل میں ہی شفٹ ہو جائیں
-
اسٹیٹ بینک کی جانب سے مقامی مارکیٹ سے 4 ارب ڈالرز سے زائد خریدے جانے کا انکشاف
-
پاکستان کو غزہ کی بڑھتی ہوئی صورتحال پر گہری تشویش ہے،وفاقی وزیردفاع خواجہ آصف
-
طالب علموں کو پتا ہونا چاہیے کہ کونسی حکومت ہائرایجوکیشن کے لئے مخلص ہے، گورنرپنجاب
-
قومی اسمبلی اجلاس، وزراء کی عدم شرکت پر اسپیکر قومی اسمبلی سردار ایاز صادق برہم
-
ایران کی صدر کے دورہ سے متعلق اپوزیشن کو اعتماد میں لیں گے،اسحاق ڈار
-
آزاد ویزہ پالیسی کا حامی ہوں ،چاہتا ہوں سکھوں کے لئے پاکستان کے ویزے آسان کردیئے جائیں ، محسن نقوی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.