سلمان میرے لیے بہت قیمتی ہیں‘ان سے رشتہ بہت مضبوط ہے‘ارباز خان

بدھ 30 دسمبر 2015 11:23

ممبئی (اُردو پوائنٹ اخبارتازہ ترین - این این آئی۔30 دسمبر۔2015ء)بالی ووڈ ہدایت کار اور اداکار ارباز خان کا کہنا ہے کہ ان کے بھائی اداکار سلمان خان ان کے لیے بہت قیمتی ہیں اور ان کا رشتہ بہت مضبوط ہے۔این ڈی ٹی وی کی ایک رپورٹ کے مطابق ارباز کا کہنا تھا ’ہمارا خاندان ایسا ہے کہ ہم سب ایک دوسرے کے لیے جان بھی دے سکتے ہیں۔ ہم سب ہمیشہ ساتھ رہتے ہیں اور ایک دوسرے کی ذاتی زندگیوں میں عمل دخل نہیں کرتے لیکن جب بھی ضرورت پڑتی ہم ایک دوسرے کے ساتھ کھڑے ہوتے ہیں۔

(جاری ہے)

سلمان خان، ارباز خان اور سہیل خان بولی وڈ کے معروف اسکرین لکھاری سلیم خان کے بیٹے ہیں۔ارباز خان اور سلمان خان ماضی میں ایک ساتھ کئی فلموں میں کام کر چکے ہیں جس میں ’ہیلو برادر‘ اور ’دبنگ‘ شامل ہیں۔ارباز کا مزید کہنا تھا ’ہمارے والد نے ہمیں ہمیشہ ساتھ رہنا سکھایا ہے، ان کا کہنا ہے کہ اگر ساتھ رہو گے تو کوئی تمہیں توڑ نہیں سکتا۔ یہ اتحاد ہے اور اس ہی میں طاقت ہے۔ارباز خان اس وقت ’پاور کپل‘ نامی ایک رئیلٹی شو کی میزبانی کے فرائض انجام دے رہے ہیں، دوسری جانب سلمان خان بھی ’بگ باس‘ 9 کی میزبانی میں مصروف ہیں۔

Facebook Twitter Google + Share on Whatsapp

سلمان میرے لیے بہت قیمتی ہیں‘ان سے رشتہ بہت مضبوط ہے‘ارباز خان

مزید فن و فنکار کی خبریں