عامر نے سزا بھگتنے کیساتھ معافی بھی مانگ لی ،اسے سپورٹ کیا جائے ، شاہد آفریدی

بدھ 30 دسمبر 2015 15:27

لاہور (اردو پوا ئنٹ تازہ ترین اخبار30دسمبر- 2015ء) قومی ٹی ٹونٹی ٹیم کے کپتان شاہد آفریدی نے کہا ہے کہ محمد عامر اپنے کیے کی سزا بھگت چکا ، سب سے معافی بھی مانگ چکا ، اب اسے سپورٹ کیا جائے ، جو کھلاڑی ڈریسنگ روم کا ماحول خراب کرے گا اس کی قومی ٹیم میں کوئی جگہ نہیں ہے ۔ تفصیلات کے مطابق سپاٹ فکسنگ میں سزا یافتہ فاسٹ باولر محمد عامر کے کھیلنے پر ٹیسٹ اور ون ڈے کپتان تو تحفظات رکھتے ہیں لیکن ٹی ٹونٹی قائد شاہد آفریدی نے لیفٹ آرم فاسٹ بولر کی کھل کر حمایت کرنے کے ساتھ اپنے ساتھیوں کو بھی اس کی ترغیب دینی شروع کردی ہے ۔

اوپنر محمد حفیظ ، اظہر علی اور چند کھلاڑی عامر کے ساتھ کھیلنے پر رضامند تو گئے لیکن تاحال ان کے تحفظات برقرار ہیں تاہم ٹی ٹونٹی کپتان شاہد آفریدی محمد عامر کو بھر پور سپورٹ کر رہے ہیں ، انہوں نے تو عامر کی مخالفت کرنے والے پلیئرز کو ڈھکے چھپے لفظوں میں یہ پیغام بھی دیا کہ جو ڈریسنگ روم کا ماحول خراب کرے گا اس کی ٹیم میں کوئی جگہ نہیں ۔

(جاری ہے)

ذرائع کے مطابق آفریدی نے کیمپ میں شریک کھلاڑیوں کے ایک گروپ یکجا کیا اور انہیں عامر کی سپورٹ پر آمادہ بھی کیا اور اس کے ساتھ انہیں یہ پیغام بھی دیا کہ جو کھلاڑی ایسا نہیں کرے گا اور ٹیم کے ماحول پر اثر انداز ہو گا اس کی پاکستانی ٹیم میں کوئی جگہ نہیں ہے ۔ یاد رہے کہ پاکستان کرکٹ بورڈ بھی کھلاڑیوں سے عامر کی مخالفت نہ کرنے کا بیان حلفی لے چکا ہے ۔

Facebook Twitter Google + Share on Whatsapp

عامر نے سزا بھگتنے کیساتھ معافی بھی مانگ لی ،اسے سپورٹ کیا جائے ، شاہد آفریدی

مزید کھیلوں کی خبریں