کراچی کے عوام رینجرز کو با اختیار اور آپریشنل دیکھنا چاہتے ہیں،علی اکبر گجر
بدھ 30 دسمبر 2015 17:50
کراچی(اُردو پوائنٹ اخبارتازہ ترین - این این آئی۔30 دسمبر۔2015ء) پاکستان مسلم لیگ(ن) سندھ کے نائب صدر علی اکبر گجر نے کہا ہے کہ کراچی کے عوام رینجرز کو با اختیار اور آپریشنل دیکھنا چاہتے ہیں․ کراچی میں آپریشن عوام کے اصرار اور سیاسی جماعتوں کی رضا مندی سے شروع ہوا تھا جس کا مقصد شہر قائد اعظم کو مافیاؤں سے نجات دلانا اور کراچی کو ایک بار پھر امن و آشتی کا گہوارہ بنانا تھا․ انہوں نے کہا کہ وزیر اعظم میاں محمد نواز شریف چاہتے ہیں کہ یہاں ایک بار پھر کارخانے چلیں، کاروبار زندگی بحال ہو، لوگوں کو روزگار کے مواقع میسر آئیں اور غیر ملکی سرمایہ کار دوبارہ کراچی کا رخ کریں․ انہوں نے کہا کہ مسلم لیگ(ن) کے کراچی میں کوئی سیاسی عزائم نہیں ہیں اور نہ ہی وہ کراچی آپریشن کو متنازعہ اور سیاسی بنانا چاہتی ہے․ یہ آپریشن خالصتا امن و امان بحال کرنے پر مرکوز ہے اور الحمد و ﷲ وفاقی حکومت قانون نافذ کرنے والے اداروں کی معاونت سے کراچی میں اپنے اہداف حاصل کرنے میں بڑی حد تک کامیاب رہی ہے․ علی اکبر گجر نے کہا کہ رینجرز کے آپریشن سے کراچی میں کئی دہائیوں کی لاقانونیت اور خونریزی کا خاتمہ ہوا اور عوام نے سکھ کا سانس لیا ہے جس پر مسلم لیگ(ن) کی حکومت اور وزیر اعظم میاں نواز شریف کی کوششوں اور قیام امن میں سنجیدگی کو سلام پیش کرنا چاہئیے․ انہوں نے کہا کہ لاہور پاکستان کا دل ہے تو کراچی اس کا دماغ ہے اور مسلم لیگ(ن) اپنے حالیہ دور حکومت میں دل و دماغ سے کام لے کر ملک کو شاہراہ ترقی پر لے جا رہی ہے جو مملکت خداداد کو فلاحی ریاست کا درجہ دلانے میں معاون ثابت ہوگی۔
مزید قومی خبریں
-
وفاقی وزیرعطا تارڑنے اعجاز احمد حفیظ کو اپنا کوارڈینیٹر مقرر کردیا
-
کراچی کے تمام اضلاع میں بیک وقت تجاوزات کے خلاف مہم شروع کردی ہے ،بیرسٹر مرتضیٰ وہاب
-
ڈاکٹر طاہر القادری کامیاں زاہد اسلام کی والدہ کے انتقال پر افسوس کا اظہار
-
پنجاب میں ایئرایمبولینس سروس کے دائرہ کارکوبتدریج وسعت دی جائیگی‘ مریم نوازشریف
-
بی آر ٹی پشاور شدید مالی بحران کا شکار ۔ بی آر ٹی کا مالی خسارہ 5 ارب روپے سے تجاوز کر گیا
-
مہنگی مرغی، حکومت کا چوزے کی برآمد پرپابندی عائد کرنے کا فیصلہ
-
نیپرا کی ڈسکوز کے مارچ کے ماہانہ ایف سی اےکے حوالے سےعوامی سماعت مکمل
-
راولپنڈی پولیس کی جرائم پیشہ عناصر کے خلاف کارروائیاں،اشتہاریوں سمیت 12ملزمان گرفتار
-
بچوں کے قتل اورخودکشی کی کوشش میں سزا پانیوالی خاتون کا دماغی معائنہ کروانے کا حکم
-
بختاوربھٹو بھی مریم نواز کی معترف
-
لاہور پیرس ریلی ملکی ثقافت کو فروغ دینے اورپاکستان کے مثبت تشخص کو اجاگر کرنے کا بہترین موقع ہے ، رانا مشہود احمد خان
-
لاہور میں 50 مقامات پر مفت انٹرنیٹ سروس کا آغاز
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.