ٹرین کے ٹوائلٹ میںپیدا ہونے والی نومولود بچی ٹریک پر جا گری ، معجزانہ طور پر محفوظ
سمیرا فقیرحسین بدھ 30 دسمبر 2015 18:08
بھارت (اُردو پوائنٹ تازہ ترین اخبار. 30 دسمبر 2015 ء): بھارت میں ایک چلتی ٹرین کے ٹوائلٹ میں جنم لینے والی ایک بچی پھسل کر اسی ٹوائلٹ کے راستے ریلوے ٹریک پر گر گئی لیکن اس کے باوجود بچی معجزانہ طور پر بچ گئی، بچی کے گرنے کے بعد ماں کے شور مچانے پر مسافروں نے زنجیر کھینچ کر ٹرین رکوائی۔ بھارتی میڈیا کے مطابق ٹرین ٹوائلٹ کے راستے ریلوے ٹریک پر گرنے والی بچی معجزانہ طور پر محفوظ رہی۔
غیر ملکی خبر رساں ایجنسی کے مطابق بھارت کی شمالی ریاست اُتر پردیش میں ایک حاملہ خاتون ٹرین میں سفر کر رہی تھی جب اسے شدید درد ہوا۔مقامی پولیس افسر انیل سروشی کے مطابق یہ 23 سالہ خاتون مسافر ٹرین کے ٹوائلٹ میں چلی گئی جہاں اس نے ایک بیٹی کو جنم دیا تاہم یہ نومولود بچی پھسل کر کموڈ کے راستے ٹریک پر جا گری۔(جاری ہے)
انیل سروشی نے بتایا کہ ’’مسافروں نے خاتون کی چیخ و پکار سن کر ٹرین رکوانے کے لیے ایمرجنسی زنجیر کھینچ دی۔
ٹرین رکنے کے بعد لوگ اتر کر ٹریک پر گرنے والی اس بچی کی طرف دوڑے اور دیکھا کہ وہ زندہ ہے۔‘‘ریلوے کے ایک اہلکار چندر موہن جندل نے ٹائمز آف انڈیا کو بتایا، ’’یہ ایک معجزہ ہے کہ نومولود بچی اتنی بلندی سے کنکریٹ کے بنے بلاکس پر گری اور محفوظ رہی۔‘‘ بھارت میں یہ اپنی نوعیت کا دوسرا واقعہ ہے۔ رواں برس فروری میں بھی بھارتی ریاست راجستھان میں ایک خاتون نے ایک ٹرین کے ٹوائلٹ میں ایک بچے کو جنم دیا تھا جو اسی طرح پھسل کر ریلوے ٹریک پر جا گرا تھا۔ خوش قسمتی سے وہ بچہ بھی محفوظ رہا تھا۔مزید بین الاقوامی خبریں
-
آسڑیلین پاکستانی نینشل ایسوی ایشن اپنا کے زیر اہتمام عید کے موقع پرقیونسلنڈ میں سال 2023 میں سماجی ،معاشرتی اور مذہبی خدمات پر اپنا عید ایوارڈ دیے
-
حماس قیادت دوحا میں رہے گی، قطرکا دو ٹوک پیغام
-
ایران چند ہفتوں میں جوہری ہتھیار تیار کرسکتا ہے،آئی اے ای اے
-
امریکہ، طالب علموں سے زیادتی کرنے والی 25 خواتین اساتذہ گرفتار
-
روس اورچین نے باہمی تجارت کیلئے ڈالرکا استعمال ختم کردیا
-
امریکی سینیٹ نے ٹک ٹاک پر پابندی کے لئے قانون سازی کی منظوری دے دی
-
ایپل کا آن لائن ایونٹ کے انعقاد کا اعلان
-
ٹیسلا نے 4 ماہ قبل بنائی گئی یو ایس گروتھ ٹیم کو فارغ کردیا
-
ایرانی صدر ابراہیم رئیسی پاکستان سے سری لنکا کے دورے پر پہنچ گئے
-
شہزادہ ولیم اور کیٹ مڈلٹن کو نئی شاہی ذمہ داریاں سونپ دی گئیں
-
بھارت کا میڈیا عوام کے مسائل اجاگر کرنے کے بجائے مودی کے گن گاتا ہے،راہول گاندھی
-
تارکین وطن کے حوالہ سے صورتحال پر مغرب میں خانہ جنگی کا خدشہ ہے، ایلون مسک
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.