میلبورن کرکٹ گراؤنڈ میں چھلکے سمیت تربوز کھانیوالے بچے کی ویڈیو توجہ کا مرکز بن گئی

منگل 5 جنوری 2016 13:00

میلبورن(اُردو پوائنٹ اخبارتازہ ترین - آن لائن۔05 جنوری۔2016ء) میلبورن میں کرکٹ میچ دیکھتے ہوئے چھلکے سمیت تربوز کھانے والے بچے کی ویڈیو سامنے آنے کے بعد اسے شائقینِ کرکٹ میں بہت مقبولیت ملی ہے۔ میچل شیبیکی جنھیں ’تربوز والا لڑکے‘ کا نام دیا گیا ہے کا کہنا ہے کہ ’ انھوں نے ایسا اس لیے کیا تھا تاکہ انھیں سٹیڈیم کی بڑی سکرین پر دیکھایا جائے۔

‘ سنیچر کو میلبرن کے کرکٹ گروانڈ میں اس لڑکے کو چھلکے سمیت تربوز کھاتے دیکھ کر میچ کے کمنٹیٹرز نے بھی حیرت کا اظہار کیا تھا۔

(جاری ہے)

اس لڑکے کی ویڈیو سامنے آنے کے بعد سے آسٹریلیا میں سماجی رابطوں کی سائٹس پر ’واٹر میلن بوائے‘ کا ہیش ٹیگ ٹرینڈ کر رہا ہے۔ 10 سالہ میچل نے بتایا کہ چھلکے سمیت تربوز کھانا توقع سے زیادہ مشکل تھا۔ ’یہ میری توقع سے زیادہ مشکل کام ثابت ہوا، پر میں بس کھاتا گیا۔

‘ میچل کا کہنا ہے کہ وہ دو سال کی عمر سے تربوز کا چھلکا کھا رہے ہیں۔ ’میں ایک لمبے عرصے سے اس طرح تربوز کھا رہا ہوں، مجھے اس کا ذائقہ پسند ہے۔‘ میچل کو سب سے پہلے کھیلوں کے چینل ای ایس پی این پر تربوز کھاتے ہوئے دکھایا گیا تھا اور ان کے اس عمل کو ’پلے آف دا ڈے‘ قرار دیا گیا تھا۔

Facebook Twitter Google + Share on Whatsapp

میلبورن کرکٹ گراؤنڈ میں چھلکے سمیت تربوز کھانیوالے بچے کی ویڈیو توجہ کا مرکز بن گئی

متعلقہ عنوان :

مزید کھیلوں کی خبریں