فاسٹ باؤلر محمد عامر کے ویزا کیلئے درخواست موصول ہوگئی ہے ،نیوزی لینڈ امیگریشن حکام کی تصدیق

منگل 5 جنوری 2016 19:42

آکلینڈ(اُردو پوائنٹ اخبارتازہ ترین - این این آئی۔05 جنوری۔2016ء)نیوزی لینڈ کے محکمہ امیگریشن نے تصدیق کی ہے کہ انہیں پاکستان کی طرف سے سزا یافتہ فاسٹ باؤلر محمد عامر کے ویزا کیلئے درخواست موصول ہوئی ہے جس پر جلد فیصلہ کر لیا جائیگا امیگریشن اتھارٹی کے ایریا مینجر مائیکل کارلے نے ایک بیان میں درخواست ملنے کی تصدیق کرتے ہوئے کہا کہ ہم دورے کے تاریخوں س آگاہ ہیں اور توقع ہے کہ آئندہ چند روز میں اس درخواست پر فیصلہ کر لیا جائیگا ۔

(جاری ہے)

انہوں نے کہا کہ درخواست پر کارروائی کا انحصار ہمیشہ معاملے کی پیچیدگی سے ہوتا ہے جہاں مزید معلوم حاصل کرنا ہوں ۔ واضح رہے کہ محمد عامر کو پاکستانی ٹیم میں شامل کیا گیا ہے جو تین ٹی ٹونٹی میچ کھیلنے کیلئے نیوزی لینڈ جانیوالی ہے ۔ 23 سالہ محمد عامر کا کہنا ہے کہ وہ اب تبدیل ہو چکا ہے اور اپنی کارکردگی سے وہ یہ بات ثابت کر دیگا۔

Facebook Twitter Google + Share on Whatsapp

فاسٹ باؤلر محمد عامر کے ویزا کیلئے درخواست موصول ہوگئی ہے ،نیوزی لینڈ امیگریشن حکام کی تصدیق

مزید کھیلوں کی خبریں