سعودی سفارتخانے پر حملے کا ماحول تہران نے خود بنایا،امریکی ادارے کی رپورٹ میں دعویٰ

بدھ 6 جنوری 2016 14:56

واشنگٹن(اُردو پوائنٹ اخبارتازہ ترین - آئی این پی۔06 جنوری۔2016ء ) امریکی ادارے "اسٹریٹفور سینٹر فار اسٹڈیز" کی جانب سے جاری ہونے والی ایک رپورٹ میں دعویٰ کیا گیا ہے کہ تہران میں سعودی سفارت خانے پر ایرانیوں کے دھاوے کے لیے خود ایرانی حکام نے حالات سازگار بنائے۔رپورٹ کی تفصیلات کے مطابق احتجاج کرنے والے افراد نے سعودی سفارت خانے کے دفاتر میں داخل ہو کر لوٹ مار کی اور پھر اس کی عمارت میں آگ لگا دی۔

(جاری ہے)

اس تمام کارروائی کے بعد کہیں جا کر ایرانی پولیس حرکت میں آئی اور مظاہرین کو منتشر کرتے ہوئے صرف 40 افراد کو حراست میں لیا گیا۔رپورٹ میں مزید کہا گیا ہے کہ ایرانی حکام تہران میں سعودی سفارت خانے کی حفاظت کی ذمہ داری سے پیچھے ہٹ گئے اور احتجاج کرنے والوں کا غیض غضب انتہا پر پہنچنے کے بعد ہی پھر مداخلت کی۔ اسٹریٹفور کے مطابق یہ چیز اس بات کی تصدیق کرتی ہے کہ ایران نے تہران میں سعودی سفارتی مشن کے صدر دفتر پر حملے کے لیے مناسب ماحول فراہم کیا۔

Facebook Twitter Google + Share on Whatsapp

سعودی سفارتخانے پر حملے کا ماحول تہران نے خود بنایا،امریکی ادارے کی رپورٹ میں دعویٰ

متعلقہ عنوان :

مزید بین الاقوامی خبریں