وزیر اعظم کی جانب سے اعلان کردہ رضاکارانہ طور پر ٹیکس ادائیگی سکیم کی بھر پور حمایت کرتے ہیں،پاکستان انڈسٹریل اینڈ ٹریڈرز ایسوسی ایشنز

جمعرات 7 جنوری 2016 16:51

لاہور(اُردو پوائنٹ اخبارتازہ ترین - آن لائن۔07 جنوری۔2016ء) پاکستان انڈسٹریل اینڈ ٹریڈرز ایسو سی ایشنز فرنٹ(پیاف )کے چئیرمین عرفان اقبال شیخ نے وزیر اعظم کی جانب سے اعلان کردہ رضاکارانہ طور پر ٹیکس ادائیگی سکیم کی بھر پور حمایت کرتے ہوئے اسے معیشت کی طرف درست قدم قرار دیا ہے۔ گزشستہ روز ایک بیان جاری کرتے ہوئے چیئر مین پیاف عرفان اقبال شیخ ِ ، وائس چیئر مین پیاف تنویر احمد صوفی نے کہا کہ اس فیصلے سے صنعتی وتٹجارتی پھیلا? میں اضافہ اور معیشت مستحکم ہو گی جبکہ حکومت کی آمدنی میں 50 ارب تک کا اضافہ ہو گا اور اس کے اثرات دوسرے شعبوں تک بھی منتقل ہوں گے۔

عرفان اقبال شیخ نے کہا کہ حکومت نے فائلرز اور نان فائلرز دونوں کی مشکلات کو مد نظر رکھتے بہترین ریلیف پیکج کا اعلان کیا ہے۔

(جاری ہے)

انھوں نے کہا کہ غیر ملکی قرضوں پر زیادہ عرصے تک انحصار نہیں کیا جا سکتا کیونکہ یہ ملکی مفاد کے خلاف ہیں۔ انھوں نے بزنس کمیونٹی سے کہا ہے کہ حکومتی رعایت سے استفادہ کر کے خود کو ٹیکس نیٹ میں شامل کروائیں اور محب وطن کا ثبوت دیں تاکہ جو لوگ بر وقت ٹیکس ادا کرتے ہیں ان کی حوصلہ شکنی نہ ہو۔

، وائس چیئر مین پیاف تنویر احمد صوفی نے کہا کی تاجروں کی پچھلے چھ ماہ کی انتھک محنت رنگ لائی اور یہ معاملہ خوش اسلوبی سے حل ہو گیا ہے اب تمام تاجر برادری یکسوئی سے ملکی ترقی میں اپنا کرد ار ادا کر رہے ہیں، انھوں نے کہا کہ اس سکیم سے لاکھوں تاجر ٹیکس نیٹ میں آ جا ئیں گے اور دستاویزی معیشت بڑھنے سے ملک ترقی کرے گا۔

Facebook Twitter Google + Share on Whatsapp

وزیر اعظم کی جانب سے اعلان کردہ رضاکارانہ طور پر ٹیکس ادائیگی سکیم کی بھر پور حمایت کرتے ہیں،پاکستان انڈسٹریل اینڈ ٹریڈرز ایسوسی ایشنز

متعلقہ عنوان :

مزید تجارتی خبریں