کرس گیل نے ہم سے بھی فلرٹ کیا تھا، کئی خواتین میدان میں آ گئیں

جمعہ 8 جنوری 2016 14:57

سڈنی (اُردو پوائنٹ اخبارتازہ ترین - آئی این پی۔08 جنوری۔2016ء)ویسٹ انڈیز کے جارحانہ بلے باز کرس گیل کا بگ بیش میں خاتون ٹی وی رپورٹر کے ساتھ فلرٹ کا واقعہ منظر عام پر آنے کے بعد آسٹریلیا میں شور مچا ہوا ہے۔ ایک خاتون نے ویسٹ انڈین کرکٹر پر ورلڈ کپ کے دوران انتہائی گھٹیا حرکت کرنے کا بھی الزام عائد کر دیا ہے۔ فاکس سپورٹس کی رپورٹر نیرولی نے کہا کہ کرس گیل تسلسل کے ساتھ ایسی حرکتیں کر رہے ہیں۔

وہ قابل نفرت اور ان کا طرز عمل بھی نفرت انگیز ہے۔ چینل نائن کی رپورٹر یووینی نے کہا کہ مجھے ٹویٹر کے ذریعے ایک نوٹیفکیشن ملا جس میں گیل نے کہا کہ وہ میرے کسی انٹرویو کو دیکھ کر کافی متاثر ہوئے اور میرے ساتھ باہر ڈنر کرنا چاہتے ہیں۔ مجھے لگتا ہے کہ وہ عورتوں کے پیچھے پڑے رہنے والا مرد ہے۔

(جاری ہے)

ادھر ایک خاتون نے الزام لگایا کہ سڈنی میں ورلڈ کپ کے دوران گیل نے انتہائی شرمناک حرکت کی۔

گیل کے ایجنٹ سائمن اوتیری نے ان تمام الزامات کو یکسر مسترد کرتے ہوئے قانونی چارہ جوئی کا عندیہ دے دیا ہے۔دوسری جانب اطلاعات ہیں کہ بگ بیش انتظامیہ کی جانب سے گیل پر لیگ کے دروازے بند کرنے کی بھی تیاریاں ہو رہی ہیں۔ منیجر انتھونی ایورارڈ نے بھی گیل سے بات کی ہے۔ ذرائع کہتے ہیں کہ لیگ کی ساکھ کو بچانے کیلیے انھیں ایونٹ سے الگ کیا جا سکتا ہے۔

Facebook Twitter Google + Share on Whatsapp

کرس گیل نے ہم سے بھی فلرٹ کیا تھا، کئی خواتین میدان میں آ گئیں

مزید کھیلوں کی خبریں