روس میں ڈاکٹر کے گھونسے سے مریض چل بسا، سی سی ٹی وی کیمرے کی ویڈیو سامنے آگئی

اتوار 10 جنوری 2016 18:51

روس میں ڈاکٹر کے گھونسے سے مریض چل بسا، سی سی ٹی وی کیمرے کی ویڈیو سامنے ..

ماسکو(اُردو پوائنٹ اخبارتازہ ترین - آئی این پی۔ 10جنوری۔2016ء) روس میں ڈاکٹر نے مریض کو گھونسا مار کر قتل کرڈالا۔غیر ملکی میڈیا کے مطابق روس کے ایک ہسپتال میں نصب سی سی ٹی وی کیمرے کی ویڈیو سامنے آئی ہے، جس میں ایک ڈاکٹر نے مریض کو گھونسا مارا، جس کے بعد مریض زمین پر گرا اور مر گیا۔یہ واقعہ گذشتہ ماہ کے آخر میں روس کے درالحکومت ماسکو کے جنوب میں واقع بیلگوریڈ کے علاقے میں ہوا۔

(جاری ہے)

روس کے ذرائع ابلاغ کا کہنا ہے کہ مریض نے پہلے ایک نرس کو مارا جس کے بعد وہیں موجود ڈاکٹر نے مریض کو گھونسا مارا۔ایک سرکاری اہلکار نے روسی ٹی وی کو بتایا کہ تفتیش کاروں کا خیال ہے کہ یہ ’نادانستہ طور پر غیر ارادی قتل‘ کا مقدمہ ہے لیکن اس قتل کا فوجداری مقدمہ بھی درج کیا گیا ہے۔سی سی ٹی وی کیمرہ کی فوٹیج سوشل میڈیا پر وائرل ہو گئی۔مقامی تفتیشی کمیٹی کے رکن نے بتایا کہ انھیں یقین ہے کہ مریض کے قتل میں ڈاکٹر کی جانب سے دشمنی وغیرہ کا عنصر شامل نہیں ہے۔ڈاکٹر کا گھونسا کھانے کے بعد ہلاک ہونے والے مریض کی عمر 56 سال تھی اور بیلگوریڈ شہر کا رہائشی تھا۔

متعلقہ عنوان :