بھارت 2012میں فوج کی جانب سے مرکزی حکومت کا تختہ الٹنے کا انکشاف ، نئی بحث چھڑ گئی
پیر 11 جنوری 2016 14:03
نئی دہلی (اُردو پوائنٹ اخبارتازہ ترین - آن لائن۔11 جنوری۔2016ء) بھارت میں جنوری 2012 ء میں اس وقت کے آرمی چیف وی کے سنگھ کی جانب سے مرکزی حکومت کا تختہ الٹنے کیلئے فوجی نقل و حرکت کی تفصیلات سامنے آنے پر ایک نئی بحث چھڑ گئی ہے۔ یوبی اے کے سابق وزیر منیش تیواڑی نے ایک کتاب کی رونمائی تقریب میں خطاب کے دوران کہا کہ وی کے سنگھ نے اپنے جنم دن 6 جنوری کی مناسبت سے فوجیوں کو حصار اور آگرہ سے نئی دہلی کی طرف روانہ کیا۔
یہ محض کہا نی نہیں بلکہ حقیقت ہے، تیواڑی کے ان ریمارکس پر یونین منسٹر اور سابق آرمی چیف وی کے سنگھ نے کہا ہے کہ ان دنوں کانگریس کے اس لیڈر کی کوئی حیثیت نہیں تھی۔انہوں نے سابق وزیر سے کہا کہ یہ کتاب میر ی ہے اور انہیں چاہیے کہ اس کا اچھی طرح مطالعہ کریں۔(جاری ہے)
ادھر کانگریس پارٹی نے ایسی کسی مہم جوئی کو مسترد کرتے ہوئے کہا ہے کہ اس سٹوری میں کوئی سچائی نہیں اور یہ کہ دفاعی حکمت عملی کیلئے بعض اوقات فوجی نقل و حرکت ضروری ہوتی ہے۔
پارٹی کے ترجمان ابھیشک مانو سنگھ نے کہا ہے کہ الزامات مکمل طورپر غلط ہیں۔ ادھر تیواڑی کو بھی اپنے ایک ہم آواز پارٹی کے سینئر رہنما مانی شنکر میسر آگئے ہیں جنہوں نے اے این آئی سے بات چیت کرتے ہوئے کہا ہے کہ 16 جنوری 2012 ء کی رات کچھ نہ کچھ ضرور ہوا تھا جو کہ آئین اور جمہوریت کے خلاف تھا۔بھارتی میڈیا رپورٹ کے مطابق کہ 16 جنوری کی رات گئے انٹیلی جینس ایجنسیوں نے رپورٹ دی تھی کہ کچھ فوجیوں کی جانب سے غیر متوقع اور بغیر اطلاع دہلی کی جانب نقل و حمل ہو رہی ہے۔ واضح رہے کہ اس روز وی کے سنگھ نے سپریم کورٹ سے اپنی تاریخ پیدائش کے ایشویر بھی رجوع کیا تھا
مزید بین الاقوامی خبریں
-
اروند کیجریوال کی گرفتاری پر تشویش کااظہار، بھارت کا امریکی و جرمن سفارت کاروں کو طلب کرکے اعتراض
-
اوباما بائیڈن کے ٹرمپ کے ہاتھوں ہارنے سے بہت خوفزدہ
-
افغانستان، خواتین کو کھلے میدان میں سنگسار کرنے کا اعلان
-
میرے پاس الیکشن لڑنے کیلئے پیسے نہیں ہیں، بھارتی وزیر خزانہ
-
روس نیٹوممالک یا یورپ پر حملہ نہیں کرے گا، پیوٹن نے واضح کردیا
-
اسرائیل نے سفید پرچم اٹھانے والے 2 فلسطینیوں کو بھی قتل کر دیا
-
سعودی عرب کی 800 ہیکٹر فلسطینی اراضی پراسرائیلی قبضے کی مذمت
-
عرب اونٹ فیڈریشن کا العلا میں اپنی پہلی چیمپئن شپ کا اعلان
-
مسجد حرام میں زائرین کے لیے روبوٹ گائیڈ سسٹم فعال
-
حماس کے ساتھ مذاکرات ختم نہیں کیے گئے ،امریکہ
-
یومیہ ایک ارب افراد کی خوراک کا ضیاع،اقوام متحدہ
-
سعودی عرب میں اولین سعودی گرین انیشیٹو ڈے منایا گیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.