جاپان کا ایک ایسا اسٹیشن ، جہاں محض ایک لڑکی کے لیے ٹرین آتی ہے

سمیرا فقیرحسین پیر 11 جنوری 2016 14:16

ٹوکیو(اُردو پوائنٹ تازہ ترین اخبار. 11 جنوری 2016 ء): جاپان میں ایک ایسا ریلوے اسٹیشن ہے جہاں ٹرین صرف ایک لڑکی کے لیے آتی ہے۔ تفصیلات کے مطابق گذشتہ کئی سالوں سے جاپان کے کامی شیراتکی سٹیشن پر محض ایک لڑکی ہی انتظار کرتی ہے۔ ایک ہائی سکول لڑکی کو اپنی کلاس پڑھنے کے لئے ٹرین دن میں صرف دو دفعہ چلتی ہے، جاپان ریلوے نے اس کم سن بچی کی پڑھائی کے لیے یہ فیصلہ تین سال قبل لیا تھا۔

(جاری ہے)

اس وقت کامی شیراتکی سٹیشن اپنے دور افتادہ روٹ کی وجہ سے نقصان میں تھا اور سامان کی ترسیل بھی بند تھی۔ جاپان ریلوے نے اس اسٹیشن کو بند کرنے کا سوچا لیکن تب ہی ان کو معلوم ہوا کہ ایک بچی ابھی بھی اس سٹیشن کو ہائی سکول جانے کے لئے روزانہ استعمال کر رہی ہے جس کے بعد جاپان ریلوے نے اس وقت تک سٹیشن کے چلتے رہنا کا فیصلہ کیا جب تک کہ وہ لڑکی وہاں سے گریجویشن نہ کر لے ۔ ریلوے کمپنی نے ٹرین کا وقت لڑکی کے سکول آنے جانے کے اوقات کے مطابق کر دیا۔ بتایا جاتا ہے کہ یہ نامعلوم لڑکی مارچ میں گریجویشن کر لے گی اور پھر اس اسٹیشن کو بالآخر بند کر دیا جائے گا۔

Facebook Twitter Google + Share on Whatsapp

جاپان کا ایک ایسا اسٹیشن ، جہاں محض ایک لڑکی کے لیے ٹرین آتی ہے

مزید عجیب و غریب خبریں